- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Danilo Werleman re-eligi como presidente di hunta di directiva di ATIA
ORANJESTAD - Riba diahuebs 27 di maart den su reunion general di miembrecia, a elegi e hunta di directiva di Aruba Trade and Instustry Association (ATIA). Durante e prome encuentro di e hunta di directiva nobo a elegi e hunta di directiva diario esta e “Daily Board” pa 2025 - 2026.
Mester indica cu e “Daily Board” ta wordo forma pa e siguiente posicion nan: Presidente, Vice Presidente, Tesorero, y Secretario. E hunta a re-elegi Sr. Danilo Werleman pa su di dos periodo como presidente di hunta di directiva. A eligi, Sr. Fred Steeghs como vice-presidente y Sra. Jenniffer Figaroa-Guzman como secretario y Andrew Harms a wordo re-eligi como tesorero. Tambe a elegi e reémplasante nan di e tesorero y secretario kenda nan ta Sra. Rachel Maduro y Sr. Enrique “Tito” de Cuba respectivamente.
Director di ATIA ta sumamente contento cu e “Daily Board” cu lo dunele guia den aña 2025 y 2026, cu no solamenta ta un aña di celebracion, pero tambe un aña yen di reto, manera entre otro e escaces di empleado cu tin ainda den nos mercado laboral, e tarifanan sancciona pa Estados Unidos (EE.UU.) y forma e coneccionan importante cu mandatarionan di Gabinete AVP/Futuro. E escaces di labor y e tarifanan di EE.UU. lo tin un efecto directo y indirecto riba comercio y economia di Aruba. Pa e rason aki, ATIA a reuni caba cu Minister President Eman y Minister di Turismo, Transportacion y Labor mr. W. Cicilia pa por yega na solucion pa e impacto ta minimo. E siman aki ATIA lo reuni atrobe cu Minister di Finanzas, Economia y Sector primario mr. Wever. ATIA su expertonan ta deliberando solucionnan practico y innovativo pa por surpasa e retonan aki, cu nos lo presenta na Gobernantenan.
Banda di e retonan ATIA lo organisa diferente evento nan pa miembro y pa publico pa celebra su di 80 aña di existencia. Algun di e eventonan pa aña 2025 ta diferente business mixers, varios workshops, masterclasses manera “Creating a Fearless Organization”, cu lo toca temanan actual y alcaso, y nos celebracion di 80 aña di existencia riba 18 juni proximo. Aña 2025 lo culmina cu e “EXPO ATIA” na november, cu lo incorpora tambe e Networking event mas grandi di Aruba, cual ta ATIA su Corporate event annual. ATIA ta suplica pa sigui nan riba nan rednan social pa tur informacion.
Aruba tin un miyonario nobo cu a gana 1.425.000,= florin
ORANJESTAD – Aruba tin un miyonario nobo awe nochi, cu a gana e premio di Mega Plus, cumpra na Kas Ariba Lottery na Sta Cruz. E la gana e bunita suma di 1.425.000,= su so, cu e numbernan 16-19-22-29 y megaball 07.. Masha Pabien.
Aruba den centro di expansion historico di American Airlines pa zomer 2026
ORANJESTAD – American Airlines lo opera su programma di zomer mas grandi den historia entre 21 di mei y 8 di september 2026, y Aruba ta ocupa un posicion central den e expansion aki. Asina e portal eckis.org ta raporta. Durante e periodo di zomer, American Airlines ta spera di transporta aproximadamente 75 miyon pasahero via 750 mil buelo na nivel mundial. Aruba ta sali como uno di e destinacionnan clave den Caribe cu lo beneficia directamente di e crecemiento grandi aki. Pa Aruba, e compania lo opera dos buelo diario for di Miami, 12 buelo semanal for di Charlotte y cinco buelo semanal for di Philadelphia. Esaki ta representa un impulso importante pa conectividad entre Aruba y mercado mericano.
Awe ta bo oportunidad di gana 1 miyon 425 mil florin cu Mini Mega y Mega Plus!
Aruba a mustra su aeropuerto digital y moderno na premier hulandes Rob Jetten
ORANJESTAD – Durante su bishita oficial na Aruba, Rob Jetten a ricibi un recorrido den Queen Beatrix International Airport, unda a mustra innovacion, digitalisacion y e sistema avanzado di frontera cu Aruba tin implementa.
A.T.A. y FTA firma CAO nobo cu beneficio flexible pa empleadonan
ORANJESTAD – Aruba Tourism Authority y Federacion di Trahadornan di Aruba a firma oficialmente un Convenio Colectivo di Labor (CAO) nobo valido pa periodo 2026 te 2028.
Pasashi mas barata ta impulsa boom argentino pa Aruba, pero tin critica tambe
BUENOS AIRES/O’STAD – Aruba ta sigui consolida su posicion como un di e destinonan mas popular pa turista di Argentina. Desde cu aña pasa a cuminsa cu buelonan directo entre e dos paisnan, cantidad di argentino cu ta bishita Aruba a crece notablemente. Y awo, cu campaña “Hot Sale 2026” ta ofreciendo pasashi directo pa Aruba for di apenas 632 dollar americano ida y buelta, tur ta indica cu e flujo di turista argentino lo sigui aumenta. E promocionnan, cu ta inclui facilidad di pago te 12 cuota sin interes, ta convirti Aruba den un destino aun mas accesibel pa clase medio argentino, specialmente den un momento unda hopi hende ta buscando vakantie den Caribe cu prijs relativamente competitivo.
Follow NoticiaCla
