Papa Leon XIV a boga pa liberacion di periodistanan: ‘Reta e consenshi di nacionnan’

CIUDAD VATICANO – Papa Leon XIV a urgi liberacion di periodistanan encarcela pa haci nan trabou, den su prome conferencia di prensa. “E sufrimento di e periodistanan encarcela aki ta desafia e consenshi di paisnan y e comunidad internacional,” el a bisa na Ciudad Vaticano dialuna mainta. Leon a subraya e importancia di libertad di expresion y un prensa liber. “Solamente hende informa por haci escohonan liber,” e lider nobo di Iglesia Catolico a bisa un sala yen di periodista. Tambe el a pidi e medionan di comunicacion pa no alimenta polarisacion.

Leo naci na Merca a habri e conferencia di prensa cu saludonan na Italiano y Ingles. Despues di aplauso fuerte ora cu el a drenta e sala, el a broma na Ingles cu un ovacion asina na comienso no ta mucho. “Si bo ta lanta ainda na final y kier aplaudí: masha danki.”