- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
Corte: Disputanan di belasting a aumenta na Aruba y Corsou den 2024
ORANJESTAD / WILLEMSTAD – Corte Comun di Husticia a registra un aumento fuerte den casonan den corte relashona cu impuesto na 2024, particularmente na Aruba y Corsou. Esaki ta wordo revela den e rapport anual di Corte pa e aña, cu ta señala cu e aumento di casonan a aumenta e atraso di casonan signifikantemente, ya cu hopi no a wordo resolvi denter di e mesun aña. Aruba a mira su backlog redobla, di casi 300 pa casi 600 caso di belasting pendiente pa fin di 2024. Na Curaçao, e cantidad di casonan di belasting conclui a triplifica, subiendo di djis mas cu 400 na 2023 pa mas ku 1.200 na 2024. Mientrastanto, e cantidad di casonan nobo tambe a crese di djis mas cu 300 pa mas cu 600 den e mesun periodo.
Riba tur e islanan bou di e hurisdiccion di corte, casi 1.200 disputa di belasting a keda sin wordo resolvi na fin di 2024. Esaki ta haci litigio di belasting un di e contribuyentenan mas signifikante na e cantidad di casonan di derecho administrativo di Corte, cu en general a aumenta cu mas cu 18 porciento compara cu e aña anterior.
Corte ta adverti cu e cantidad creciente di casonan di belasting ta poniendo preshon adicional riba e organisacion. Debi cu e procedimentunan den Corte ta tuma hopi tempo y ta encera varios fase, e impacto di e aumento di 2024 probablemente lo wordo sinti te den e siguiente aña.
Adicionalmente, Corte ta señala cu su metodo actual di midi carga di trabou no ta tene cuenta cu responsabilidadnan suplementario manera supervision, obligacionnan di entrenamento y garantia di calidad. Esfuersonan ta andando pa desaroya un sistema mas exacto pa evalua e berdadero presion riba e recursonan di Corte.
Hof a para apelacion di Embassy Suites den caso contra ABC pa traha beach
ORANJESTAD / WILLEMSTAD –Gemeenschappelijk Hof di Hustisia a tuma decision diamars den e caso sumario entre Embassy Suites (Natura Development N.V.) y Aruba Birdlife Conservation (ABC) tocante desaroyo di un beach pa e hotel. Segun e sentencia, Natura no tin mas interes pa sigui e apelacion, pasobra e proceso administrativo pa e obra y e permiso di exoneracion ta corre normal y ta tene su propio caminda di ley.
Corte a dicidi: Dos ‘spiritonan’ den caso Flamingo mester paga placa bek
AG ta conseha Corte di Casacion na januari '26 riba caso di Benny Sevinger
DEN HAAG – Abogado general (AG) na Hulanda diamars a dicidi cu e kier duna un conseho na Hoge Raad riba e caso di casacion di Benny Sevinger, osea . Dia 27 di januari 2026, e lo duna su conseho, y despues Corte di Casacion (Hoge Raad) ta stipula un fecha pa dicta nan sentencia. Unabez cu e sentencia ey cay, esey ta bira e ultimo ‘veredicto’ pa e caso. Si Corte di Casacion mantene e sentencia ultimo, esey ta nifica cu ex minister Benny Sevinger tin cu sinta su castigo di prizon conforme e ultimo sentencia. Loke ta usual tambe, ta cu mayoria biaha, Corte di Casacion no ta desvia di e conseho di e Abogado General. Esaki tabata e caso tambe di ex minister Paul Croes. E conseho tabata mescos cu e sentencia, y Croes mester a sinta su castigo. Pues e conseho di e abogado general ta un bon indicacion, kico ta spera sr Sevinger otro aña.
Huez a condena chauffeur cu a causa morto di trafico, na castigo combina di prizon y trabou comunitario
ORANJESTAD - Corte den Prome Instancia a trata ayera e caso penal contra e sospechoso J.K.F., kende ta wordo acusa di a causa un accidente di trafico riba prome di december 2023 na Savaneta, cu consecuencia mortal. Despues di e accidente el a huy sigui core; e no tabatin rijbewijs tampoco. Un pareha di turista cu a caba di yega Aruba a resulta gravemente herida. Un di e victimanan (75 aña di edad) a fayece e dia siguiente di e heridanan cu el a sufri.
Hof ta condena Aruba pa trahamento lento den caso di asilo
ORANJESTAD –Corte di Husticia Comun a condena ministro di Husticia di Aruba pa paga un compensacion di daño na un persona cu ta busca asilo, pasobra su procedimiento a dura mas cu un aña mas largu cu loke ley ta permiti. Corte ta constata cu e trahamento di e obhecion y despues apelacion contra e rechazo di un peticion pa proteccion internacional a dura total tres aña y cuater y mey luna.
Na december Corte Superior ta dicta riba e imposicion di castigo den caso di asesinato di Sayuri Petronia
ORANJESTAD - Ayera e sospechoso I.M.P. (21 aña) den e caso Last Call a presenta dilanti Corte Superior di Husticia. E caso ta trata di homicidio di e mucha muher Sayuri Petronia, kende a fayece riba 4 di juni 2021 despues cu P. a los tiro riba dje cu un arma di candela. E perdida di Sayuri a laga heridanan profundo cerca su famia y den comunidad di Aruba. Su tata ta sali regularmente den publicidad pa pidi atencion pa e caso y pa expresa su dolor. Ministerio Publico a bisa dialuna di tin consideracion pa famia di Sayuri, cu tin derecho riba reconocimento y respet.
Follow NoticiaCla
