- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
A.T.A. ta lansa campaña global 2025 'When you love Aruba, it loves you back'
ORANJESTAD - Aruba Tourism Authority (A.T.A.) a lansa su campaña global pa turismo 2025, marcando un capitulo nobo den e strategia evolucionario di turismo na Aruba. E campaña di e aña aki ta refleha un cambio importante den e lenguahe y mentalidad, caminda ta posiciona Aruba no solamente como un destinacion pa bishita, pero como un hogar stima.
Cambio strategico: Di bishitante pa huesped, di un destinacion pa un hogar.
E aña aki ta marca un compromiso pa fortalece turismo responsabel, redefiniendo e relacion entre Aruba y su huesped. E isla ta encurasha un filosofia nobo di recuperacion mutuo y restauracion di Aruba, caminda e huesped mester tuma un rol mas activo den e proceso segun comportacion respetuoso y consciente cu un impacto minimo.
“Nos no ta simplemente invita e huesped pa experencia Aruba, nos ta provee nan un bon bini na nos hogar,” tabata palabra di Ronella Croes, CEO di A.T.A. “E relacion mutuo di nos ta graba den e curason di e campaña “The Aruba Effect”, y den 2025, nos ta pone esaki den practica real.” Ronella Croes CEO di A.T.A. ta termina.
Awor den su di cuater aña, e campaña premia di “The Aruba Effect” ta continua na evoluciona cu e siguiente topiconan eleva:
• 2022: Aruba changes you from within.
• 2023: Aruba stays with you long after you leave.
• 2024: What stays with you is rejuvenation.
• 2025: Rejuvenation goes both ways — you must give to get.
E campaña di aña 2025 ta esun di mas ambicioso te cu awor, cu a conta cu planificacion y produccion di cinco dia na trintidos lugar espectacular di Aruba. Basa riba autencidad, e campaña ta inclui mas cu dos shen talento local, y un talento di voice-over local, alabes un melodia compone special cu ta contene sonidonan natural di e isla, pa crea un experencia auditivo y captivante di e beyesa y calidad di Aruba. E produccion tambe a inclui un desfile di carnaval grandi y colorido, cu ta refleha herencia cultural rico y bibo di Aruba. E produccion ta resalta e importancia di un turismo responsabel, mientras ta celebra e espirito y beyesa di nos isla.
Un strategia cu ta basa riba tres pilar:
- Un movemento holistico pa turismo responsabel
- Integracion di mensahe educativo y visual pa inspira comportacion respetuoso
- Y un campaña dirigi na e huespednan cu ta fortifica e mensahe di recuperacion mutuo entre huespednan y e comunidad local, un mensahe cu ta reforsa mensahe via socionan local
UN AÑA DI ACCION, Y NO SOLAMENTE CONSCIENTISACION
Mas cu simplemente un mensahe, e campaña ta un movemento basa riba balornan pa un proposito mas intencional. Ta invita huespednan pa pensa diferente encuanto nan rol den e experencia local, no solamente disfruta di paraiso, pero como cuidador di e isla.
E campaña 2025 ta un momento decisivo cu ta invita huespednan pa tuma parti di algo cu realmente tin importancia. “Pasobra ora bo stima Aruba, Aruba ta stima bo bek.” Pa wak e campaña aki por bishita e website: https://www.aruba.com/us/the-aruba-effect
Awe gana 150 mil florin cu Roll Down di Lotto di Dia
Balor di reserva di oro di Aruba casi a duplica pa motibo di subida di prijs di oro
ORANJESTAD – E balor di reserva di oro di Centrale Bank di Aruba a subi fuertemente den poco tempo. Esaki ta sali na cla for di e estadisticanan mas reciente di e banco central, unda balor di oro den reserva stranhero a subi di 520 miyon florin na 2024, pa 858 miyon florin na 2025 y casi 992 miyon florin na januari di e aña aki.
AFTA: Den 2026 lo controla e.o industria di auto y transporte di container
ORANJESTAD - Aruba Fair Trade Authority (AFTA) a presenta su agenda pa 2026. E aña aki ta marca e comienso di supervision riba proteccion di consumidor cual AFTA ta encarga cu ne. Riba 15 di maart, Dia Mundial di Consumidor, e ley nobo di supervision ta drenta na vigor. For di e fecha aki AFTA lo actua ora derechonan collectivo di consumidornan ta wordo viola. Riba 14 di maart AFTA ta organisa un Car Rally unda participantenan ta wordo encurasha di un forma competitivo y dibertido pa siña mas tocante nan derechonan como consumidor.
KLM ainda lo sigui bula cu Airbus riba Aruba pa awor
ORANJESTAD – KLM pa awor ainda no ta bay cambia su flota riba e ruta pa Aruba. Noticianan cu a circula den medio local na Aruba y Corsou no ta correcto segun gerente regional di KLM, Dirk Buitelaar.
Prijs di gasoline ta subi considerablemente diaranson
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di maart 2026:
CBA: Arubianonan riba 45 aña ta mas vulnerable pa fraude digital
ORANJESTAD – Fraude cu pago digital ainda ta sosode relativamente poco na Aruba, pero ora cu e pasa, hopi biaha e ta afecta principalmente hende di edad mas halto y consumidornan di edad medio. Ademas, un parti considerable di victiman no ta haya nan placa bek for di banco. Esaki ta sali na cla for di un reporte nobo di Banco Central di Aruba (CBA) di engaño y fraude den pago digital. E investigacion ta basa riba un encuesta di 2024 di experencia di consumidornan cu fraude den pago digital. For di e resultado ta mustra cu casi 88 porciento di e participantenan den e ultimo diesdos luna no a experencia fraude, mientras cu poco mas cu diesdos porciento si a haya cu un intento of un incidente real di fraude. Cu esey, e dimension di fraude digital na Aruba pa awor ta relativamente limita, aunke banco central ta adverti cu digitalisacion di pago tambe ta trece riesgo nobo.
Follow NoticiaCla
