Mike de Meza ta entama caso sumario contra DIMP

ORANJESTAD – E caso cu parlamentario Mike de Meza a entama contra Departamento di Impuesto, ta tuma lugar fin di luna, pa ta exacto 28 di mei 2025 pa 11:30am. Abogado mr Desiree Croes a confirma e fecha aki pa Noticiacla dialuna atardi. E intencion ta pa huez tuma un decision den e caso aki unda cu de Meza ta insisti cu e tin razon y cu ta DIMP ta strob’e di bira minister mientras cu di otro banda, DIMP ta para ariba cu nan tin razon y cu segun nan informacion, no por otorga de Meza e loke cu e ta pidi pe, esta un gedrags verklaring positivo fiscal.  Manera cu Noticiacla a anticipa y informa anteriormente, parlamentario y candidato pa minister Mike de Meza ta bay bringa departamento di impuesto (DIMP) dilanti mesa berde. Diahuebs atardi noticiaacla a haya confirmacion cu diabierna mainta, e abogado ta entrega e apelacion (bezwaar) y voorlopige voorziening na nomber di su cliente. “Ta laga e decision den man di huez” e abogado ta sigui bisa.

ORANJESTAD – Manera cu Noticiacla a anticipa y informa anteriormente, parlamentario y candidato pa minister Mike de Meza ta bay bringa departamento di impuesto (DIMP) dilanti mesa berde. Diahuebs atardi noticiaacla a haya confirmacion cu diabierna mainta, e abogado ta entrega e apelacion (bezwaar) y voorlopige voorziening na nomber di su cliente. “Ta laga e decision den man di huez” e abogado ta sigui bisa.

ORANJESTAD – Aki dos siman, ex minister plenipotenciario Guilfred Besaril mester presenta dilanti berde pa e caso penal ‘Tulipan’. Awe mainta Corte a informa cu despues di varios confusion di fecha, a reserva diamars mainta, 20 di mei 2025 pa 8’or y mei di mainta, pa trata e caso. Notable ta cu Corte a opta pa trata e caso di expropiacion di Besaril tambe durante e caso aki. Fuera di Besaril, e ex director interino di Arubahuis, Glen Ling tambe mester presenta. Algun siman atras, manera cu Noticiacla a raporta na tal occasion, Corte a trata e caso den forma di regie zitting, pa atende si tabatin mas asunto pendiente. Den un reaccion exclusivo pa Noticiacla biaha pasa, Besaril a 

ORANJESTAD / WILLEMSTAD – Corte Comun di Husticia a registra un aumento fuerte den casonan den corte relashona cu impuesto na 2024, particularmente na Aruba y Corsou. Esaki ta wordo revela den e rapport anual di Corte pa e aña, cu ta señala cu e aumento di casonan a aumenta e atraso di casonan signifikantemente, ya cu hopi no a wordo resolvi denter di e mesun aña. Aruba a mira su backlog redobla, di casi 300 pa casi 600 caso di belasting pendiente pa fin di 2024. Na Curaçao, e cantidad di casonan di belasting conclui a triplifica, subiendo di djis mas cu 400 na 2023 pa mas ku 1.200 na 2024. Mientrastanto, e cantidad di casonan nobo tambe a crese di djis mas cu 300 pa mas cu 600 den e mesun periodo.  

ORANJESTAD – E caso den corte supremio di matrimonio di mesun sexo y e apelacion di e caso Avestruz ta entre e 6 casonan mas impactante pa 2024. Asina e relato annual di Corte di Husticia, publica diamars mainta ta relata. Otro casonan cu a hala atencion tabata e exigencia di un ex minister (Endy Croes) pa rectificacion di cierto media, e situacion na RWZI cu no tabata suficiente atendi, e caso di soborno di polis via cierto periodistanan, tambe ta riba e lista aki. Y finalmente, e apelacion contra desicionan di colegio ehecutivo di Aruba. Tur aña, Corte ta repasa e casonan cu mas a hala atencion e aña anterior. 

ORANJESTAD - Corte Superior di Husticia a rechasa awe tur peticion di abogadonan di e sospechoso ex politico Alan Howell  pa mas investigacion den e caso penal conoci como ‘Diamante’.  Durante e tratamento den apelacion di 25 di maart ultimo, abogadonan di e sospechoso a pidi pa scucha varios testigo y pa agrega documentonan adicional na e dossier di e caso.  Corte Superior di Husticia a rechasa e peticionnan di e abogadonan debi na insuficiente hustificacion y insuficiente necesidad. Anteriormente Ministerio Publico a tuma e mes postura aki.