- Wever: Automobilistanan lo ricibi nan plachinan di number den e proximo dianan
- Hall of Famer Andruw Jones a bishita minister Eman y Croes na Aruba
- Encuesta di Noticiacla riba percepcion di Aruba su carnaval
- ANALISIS: Dia di San Valentino: Amor berdadero of un trampa comercial?
- Polis a detene apenas 2 persona durante parada di luz na San Nicolas
Pleito interno den OM di Aruba, posibel motibo cu caso Holloway no a keda soluciona
DEN HAAG – Un disputa den seno di Ministerio Publico na Aruba por ta un di e motibonan pakico e desaparicion di 2005 di e studiante Mericano Natalee Holloway nunca a wordo soluciona. Asina e portal Dossierkoninkrijksrelaties ta raporta diamars. E portal menciona ta deduci esaki for di documentonan publica awe door di Ministerio di Relacionnan Exterior despues di un apelacion riba e Ley di Gobierno Habri, den cual cuerpo policial Arubano tambe ta haya un dressing down.
Den e corespondencia interno di entre otro Representacion di Hulanda y e ministerionan concerni na Hulanda, ta informa cu “un bom a rementa den Ministerio Público”. E documentonan ta pinta un potret di un procurado general cu a pasa door di e investigacion y a participa den discucionnan tras di lomba di e fiscal principal encarga. E na su turno a wordo acusa pa e PG di a filtra pa medionan di comunicacion.
“Al fin y al cabo, ta bisto cu e tensionnan den seno di Ministerio Publico di Aruba y e signonan di interogacion cu por wordo poni riba e accionnan di e polisnan di Aruba, ta contribui na e desesperacion di banda Mericano. VNO lo no keda sorprendi si pronto e informacion aki yega na medionan di comunicacion Mericano. Suficiente material pa FOX, CNN y e diferente websitenan cu ta dedica na e caso di Natalee Holloway cu por wordo lesa for di e representacion cu e tema “intrankilidad binnen Ministerio Publico”.
E atencion di medionan di comunicacion a tene e autoridadnan ocupa toch: “Sr. Donner (e tempo ey Minister di Interior y Relacionnan di Reino; ed.) tabata suficiente amabel pa parcialmente schuif un posibel problema di imagen pa Aruba pa e embahada di Washington via prensa,” ta wordo registra den un memo cu “ta sirbi solamente como fondo pa nos propio informacion!”.
Premier hulandes saliente a dispidi den ultimo conseho di minister di gabinete Schoof
DEN HAAG - “Mi a cuminsa como un hende optimista i asina mes mi kier termina”, asina prome minister Dick Schoof a bisa ora el a mira bek riba su periodo di gabinete, despues di su ultimo reunion di conseho di ministro diabierna. Segun e, el a haci “tur loke tabata den nos posibilidad”. Den e ultimo reunion di conseho di ministro, a come bolo y Schoof a papia un ultimo palabra dilanti di e ministronan y staatssecretarionan. Nan, na nan turno, a gradici e prome minister. “Nan a elogia mi energia y e sonrisa”, asina Schoof a bisa. E prome minister saliente a menciona, entre otro cosnan, e leynan di asilo y e formalisahe di e norma di NAVO como “paso importante” di su gabinete. Cu no a logra cumpli un di e promesanan mas importante – resolve e problema di stikstof – ta, segun Schoof, pasobra e cuestion ta “mucho mas compleho cu hopi hende ta pensa”.
Na Hulanda, compania di cerbez Heineken ta anuncia retiro masal
AMSTERDAM - Heineken lo kita den e dos añanan benidero ainda 5000 te 6000 puesto di trabou. E compania di cerbez a anuncia esaki awe mainta durante presentacion di e cifra anual di 2025. Heineken ta indica cu e kier aumenta productividad door di elimina cierto funcionnan. Actualmente, mas cu 87.000 hende ta traha na Heineken. Anteriormente ya tabata anuncia un reorganisacion grandi na oficina central na Amsterdam. E ronda di retiro di 400 puesto ta parti di e reorganisacion amplio cu Heineken a anuncia awe.
Gabinete nobo hulandes ta huramenta oficialmente riba 23 februari riba bordes di Rey
DEN HAAG - E gabinete nobo di D66, VVD y CDA lo huramenta riba 23 februari, manera cu tabata caba anota “den potlood” den agenda di e negociadornan. Servicio di Informacion di Reino (RVD) a confirma e fecha oficialmente. Den mainta, e ministronan y secretario di estado lo wordo huramenta y despues e ministronan nobo lo saca un portret hunto cu rey Willem-Alexander riba e bordes di paleis Huis ten Bosch. Den merdia lo tin e prome reunion di conseho di ministro, y na principio di anochi e miembronan di gabinete lo haci conocimiento cu prensa parlamentario na Catshuis.
Douane como protesta, lo controla tur maleta di pasaheronan cu yega Hulanda awe
SCHIPHOL - Douane na Schiphol lo controla diamars tur maleta di pasaheronan cu ta yega. Cu e accion aki, douaneronan kier pone atencion riba demanda pa salario mas halto, segun un vocero di sindicato FNV a confirma. Segun e informacion, pasaheronan por tuma na cuenta cu lo tin rijnnan mas largo durante e controlnan, pasobra tur maleta lo wordo revisa. Pues pasaheronan di Aruba cu biaha awe, mester tene cuenta cu esaki aunke no ta sigur cu e accion aki lo continua diaranson pa ora cu pasaheronan di Aruba yega.
Expertonan ta yama pa prohibicion mundial riba software di AI cu ta desnuda hende
AMSTERDAM - Mas cu cien organizacion internacional a hunto den un manifesto cu ta pidi un prohibicion riba aplicacionnan cu por “desnuda” hende digitalmente riba foto. Na Hulanda, entre e parti cu a firma e manifesto tin municipio di Amsterdam y bureau di experticia pa abuso online Offlimits.
Na Hulanda, partidonan VVD y D66 ta scoge lider di fraccion nobo den Tweede Kamer
DEN HAAG - Na Hulanda, partidonan VVD y D66 a scoge nan lider di fraccion nobo den Tweede Kamer. Ruben Brekelmans, cu actualmente ta ministro di Defensa den un gabinete demisionario, a wordo scogi como lider di fraccion di VVD den Tweede Kamer. Partido a haci un yamada riba dje pa laga su puesto di ministro, pasobra nan ta mester su experiencia den Parlamento. Den dos siman, ora lider di fraccion actual Yesilgöz spera pa bira ministro, e lo entrega e tarea na Brekelmans. “Un ekipo fantastico cu nos lo logra hopi cos hunto y cu lo tene e gabinete nobo alerta,” Brekelmans a bisa tocante su nobo funcion.
Follow NoticiaCla
