Hefe di OTAN Rutte ta bishita Washington na momento delicado

 WASHINGTON - Hefe di OTAN, Mark Rutte, lo bolbe bishita Washington awe y mañan. Boseronan di e aliansa militar ta tratando di minimisa e bishita: Nan ta bisa cu e tey pa prepara pa e cumbre na Den Haag na fin di juni. Pero e bishita di e secretario general ta bin na un momento sumamente sensitivo, cu Merca cada bes mas ta pone na prueba e unidad di OTAN.

Rutte lo papia, entre otro, riba e intentonan pa termina e guera na Ucrania. E mericanonan ta aumentando e presion. Otro siman ta marca e fin di e prome 100 dianan di Trump como presidente, y e ta parse di ta haciendo tur loke e por pa yega na un acuerdo cu e rusonan y ucrainonan prome cu esey.

Un bishita di Rutte na Trump na Cas Blanco no ta planea, pero reunionnan cu algun di su ministernan ta riba agenda. Awe tardi, e hefe di OTAN lo papia prome cu Minister di Defensa Hegseth na Pentagono, mas laat den dia e lo reuni tambe cu Secretario di Estado Rubio y e consehero di siguridad nacional di Trump, Mike Waltz.