- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Szabó ta subi interes pa Aruba entrante 1 di mei proximo!
DEN HAAG – Entrante 1 di mei Hulanda lo aumenta e interes cu Aruba mester paga riba su corona lening pendiente di 5.1% pa 6.9%.
Secretario di Estado pa Relacionnan di Reino Zsolt Szabó ta wanta asina Aruba na e acuerdo administrativo cu su predecesor Van Huffelen a cera cu Prome Minister di e tempo ey Evelyn Wever-Croes dia 4 di juni 2024. Yegando na e acuerdo ey a pone cu Hulanda a baha e interes riba e prestamo di corona di mas cu 900 miyon di florin pa un paso pa 5.1%.
Sinembargo, e acuerdo ta inclui tambe un fecha límite pa entrega na parlamento un lei nobo di reino di consenso pa regula supervicion financsiero. Si esaki no sosode prome cu 1 di mei lo aumenta e tasa di interes te na 6.9% atrobe. E clausula aki tabata destina pa encurasha gobierno di Wever-Croes pa coopera rapidamente den preparacion di e proyecto di ley.
E menasa di un aumento di interes a hasi tiki imprecion: “Awor ta cla pa ambos pais cu lo no ta posibel pa entrega e proyecto di lei na Tweede Kamer y Parlamento (di Aruba) dia 1 di mei. Esaki ta nifica cu e interes lo wordo aumenta riba e fecha ei di acuerdo cu e acuerdonan den e akuerdo administrativo,” Secretario di Estado Szabó a contestc preguntanan di Dossierkoninkrijksrelaties.
Ta e gabinete AVP-FUTURO, cu a sinta algun siman pasa, ta pagando e cuenta pa e obstruccion silencioso di su antecesor. Esei no ta e unico: despues di e eleccionnan pèrdí, e gabinete Wever-Croes a baha e toeslag liber di belasting sin enbolbi e Estadonan, loke a causa cu e cantidad di pagador di belasting a baha di 40.000 pa 12.000 y gobierno a perde alrededor di 50 miyon na entrada tur aña.
Na nivel oficial actualmente ta trahando riba e contenido di e concepto di ley nacional. Na momento cu ambos gobierno bay di acuerdo cu e proposicion, esaki lo wordo entrega pa un ronda di conseho na Aruba y un consulta na Hulanda. Despues di procesa e conseho, ta keda na Conseho di Minister di Reino pa entrega e proyecto di ley na Conseho di Estado di Reino pa conseho.
Ta keda pa mira si e proceso parlamentario lo por cuminsa e aña aki. Na momento cu e Ley di Supervision Financiero di Aruba drenta na vigor, Hulanda lo baha e tasa di interes na un nivel di market-conform mas un recargo chikito, manera ta conta caba pa Curaçao y Sint Maarten (3.1%). Cortesia dossierkoninkrijksrelaties.nl
Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
KLM ta spera mas cancelacion debi na mantencion di su avionan tipo Boeing 787
SCHIPHOL - KLM ta premira di tin cu cancela varios vuelo den e proximo simannan cu lo wordo opera cu un Boeing 787. Segun un vocero, esaki lo por encera algun vuelo pa dia, pero e compania no por duna cifranan exacto. Esaki ta wordo evalua riba un base diario.
Hulanda a recorda victimanan di e Segundo Guera mundial, riba Dam
AMSTERDAM - Pa 8 or di diadomingo anochi ora di Hulanda, un Dam Square casi yen na Amsterdam a observa dos minuut di silencio pa e victimanan di e Segundo Guera Mundial y otro conflictonan arma den cua Hulanda tabata enbolbí. E ceremonia a pasa sin incidentenan grandi.
Trump ta menasa di boycotea e cumbre di OTAN na Den Haag si paisnan ignora su yamada
AMSTERDAM – Gobierno Mericano ta poniendo mas presion diplomatico riba Alemania y otro partnernan Europeo pa aumenta significativamente e presupuesto di defensa. Si esey no sosode, presidente Donald Trump di e poderoso militarmente Merca por boicotea e cumbre di OTAN na Den Haag otro luna. Esaki ta loke Der Spiegel ta skirbi. Cu Washington mester hisa e normanan di OTAN a wordo haci cla pa hopi tempo pa Trump. Tambe den su prome mandato, ora el a critica varios lider di gobierno, incluyendo e canciyer di Alemania Angela Merkel, pa loke el a mira como un presupuesto di defensa insuficiente y pa sigui depende riba e mericanonan.
Homber tira mata riba terasa di hotel na Rijswijk, Hulanda
RIJSWIJK - Un homber a wordo tira mata riba e terasa di un hotel na Rijswijk (Sur di Hulanda) poco prome cu 6 p.m diahuebs ora di Hulanda. E doño di e hotel a bisa Omroep West cu e victima a wordo tira di cerca. Esaki a keda captura riba imagennan di camara. “Bo ta mira un homber ta acerca sin tapa cara, ta tira y despues ta core bay,” e doño di e hotl a bisa.
Pleito interno den OM di Aruba, posibel motibo cu caso Holloway no a keda soluciona
DEN HAAG – Un disputa den seno di Ministerio Publico na Aruba por ta un di e motibonan pakico e desaparicion di 2005 di e studiante Mericano Natalee Holloway nunca a wordo soluciona. Asina e portal Dossierkoninkrijksrelaties ta raporta diamars. E portal menciona ta deduci esaki for di documentonan publica awe door di Ministerio di Relacionnan Exterior despues di un apelacion riba e Ley di Gobierno Habri, den cual cuerpo policial Arubano tambe ta haya un dressing down.
Follow NoticiaCla
