- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Celebra weekend di Semana Santa na JOIA Aruba by Iberostar
(ADVERTORIAL)
ORANJESTAD - JOIA Aruba a prepara full un weekend yena cu promocion specialmente pa nos hendenan local. Cerca JOIA Aruba e localnan ta bon bini pa disfruta tur locual cu e hotel tin pa ofrece. Desde su entrada aki na Aruba, JOIA Aruba a sa di brasa nos hendenan local y duna bek.
Pa e weekend di Semana Santa JOIA Aruba ta celebra desde diabierna te cu dialuna; un weekend largo cu promocion na tur su outlet.
Diabierna ta start sali cu un delicioso desayuno tipo buffet na Bucatini ya caba for di 7or di mainta te cu 1or di merdia. Un desayuno proclama pa prensa local di ta esun mas extenso y varia aki na Aruba. Tambe tin e opcion pa un desayuno a la carte na Marea, sigui pa un suculento brunch cuminsando pa 12or.
Marea a prepara e platonan di pisca y seafood specialmente pa Diabierna Santo. Den oranan di atardi, Zima ta inicia cu un tremendo Happy Hour na prijs special di 50% cu musica en bibo cu Marisela y banda. E diabierna aki na Zima ta un bon momento pa reflexiona y reconecta.
Diasabra ta dia pa disfruta di Spa Sensations y e dushi copi koffie na Star Cafe. Pa drenta e celebracion di Pasco Grandi, tin cena Italiano na Bucatini cu un menu exkisito di calidad halto. Sin lubida e cena Caribeño na Marea.
Pa locual ta diadomingo di Pasco Grandi, JOIA Aruba tin un dia festivo prepara pa tur hende cu bishita e hotel. Desde 7or di mainta caba Bucatini ta habri su portanan cu nan Easter Breakfast Buffet pa unicamente $45 y cu opcion pa Mimosa ilimita pa $25 extra. Ta di menciona cu tur local lo ricibi un 20% di descuento riba nan cuenta final. Pa e chikitonan di cas Bucatini lo tin presencia di Easter Bunny, un Egg Hunt, un photobooth pa captura e bunita momentonan den famia como tambe arts & crafts pa entretene tur mucha. E desayuno ta bayi te cu 1or di atardi.
Na mes momento, Marea ta cla pa yama bo Bon Bini cu su famoso Brunch pa unicamente $60 y cu opcion pa Mimosa ilimita pa $30 extra. Na Marea tambe tur local ta ricibi nan 20% di descuento riba e cuenta final.
Si no a logra bishita JOIA Aruba den weekend, nos ta extende e ofertanan aki un dia mas. Dialuna di Pasco Grandi ainda bo tin e oportunidad di experencia e ofertanan atractivo na JOIA Aruba den compania di famia completo. Pa reserva por manda un mensahe di WhatsApp na 699-9317 of por book via opentable.com. Tambe por sigui cada restaurant riba media social pa asina keda informa di tur locual tin pa ofrece na JOIA Aruba by Iberostar.
SETAR ta celebra cultura di Aruba cu apoyo na e Festival “Un Canto pa Aruba su Himno y Bandera”
Pelicula documental local ‘Si e Baranca por a papia: Storianan di Sclavitud’ ta estrena na Aruba
ORANJESTAD - E siman aki e documental Si e Baranca por a Papia: Storianan di Sclavitud lo estrena den tur sala di Movies Aruba: Gloria, Renaissance y Principal. Produci door di periodista Melissa Stamper y Elai Petronia y Randall Luidens di The POV, e projecto ta marca un momento importante den e panorama cultural di Aruba como un documental completamente produci na e isla, cu e enfoke riba un parti di nos historia cu hopi biaha a keda for di e conversacion publico: e historia di sclavitud na Aruba.
ONU: Preocupacion tocante pobreza y desigualdad riba islanan caribeño den Reino Hulandes
DEN HAAG/WILLEMSTAD – Naciones Uni ta expresa atrobe preocupacion serio tocante pobreza, desigualdad y derechonan social riba e islanan caribeño den Reino. Segun e Comision di Naciones Uni pa Derechonan Economico, Social y Cultural, e diferencianan cu Hulanda Europeo ta keda grandi y ta haci falta esfuerzo adicional pa sigura derechonan humano den parti caribeño.
Lord Lally a bira e Soca Monarch 2026 diadomingo marduga
SAN NICOLAS – Despues cu inicialmente e anochi final di Soca Monarch Festival a cuminsa cu problema, un tardansa di casi 3 ora pa problema cu hurado, Soilo Sanchez, conoci como Lord Lally, a keda corona como e Soca Monarch 2026 cu e cancion The Lizard Kacking den careda di 5’or y mei di diadomingo marduga! Pabien tambe na Mitch di 5 finalista, Galloway di 4 finalista, Mighty Tattoo di 3 finalista, Diamond Chip di 2 finalista.
Cas di Cultura cu campaña “Adopt-a-Chair” pa recauda fondo pa su renobacion
ORANJESTAD -Cas di Cultura a lansa oficialmente Adopt-a-Chair, e prome iniciativa publico pa recauda fondo bou di e campaña di renobacion; E Brasa, invitando comunidad pa tuma parti na e renobacion di Cas di Cultura, e teatro nacional di Aruba.
Carnival Cruise Line a haci donacion di 15 cuna na Stichting Casa Cuna Progreso
ORANJESTAD - Carnival Cruise Line, via su barco Carnival Conquest, a reafirma su compromiso cu comunidad di Aruba por medio di un donacion di 15 cuna na Stichting Casa Cuna Progreso. Riba 22 di januari a entrega e donacion oficialmente na Aruba durante un ceremonia special. Presente tabata representante di Aruba Tourism Authority (A.T.A.), Aruba Ports Authority N.V. (APA NV) y Stichting Casa Cuna Progreso. APA NV tabata representa pa CEO, Marc Figaroa y Chief Commercial Officer Mario Arends, mientras cu Cruise Manager, Monica Bos, tabata presente representando Aruba Tourism Authority. Jessica Canhigh, Directora di Stichting Casa Cuna Progreso, a ricibi e donacion na nomber di e organisacion.
Follow NoticiaCla
