CEO di ATA tabata orador na conferencia di CHATA na Corsou

WILLEMSTAD – Recientemente CEO di oficina di turismo di Aruba Ronella Croes, tabata orador na e conferencia di CHATA, na Corsou. ”Ta un honor pa ta aki na Corsou, memey di partner y amigonan stima den e industria di turismo. Como islanan den Caribe, nos ta comparti conexionnan profundo, retonan comun, y un vision colectivo pa un industria turistico prospero – uno cu ta beneficia nos comunidadnan y ta enrikece bida di esnan cu ta bishit’e. Si, destinacionnan mundial ta experenciando un cambio den sentimento pa cu turismo. No ta trata solamente di sobreturismo en realidad, pero tambe di sobreturistificacion”, asina Ronella Croes, CEO di Aruba Tourism Authority a dirigi su mes na un sala yen di invitadonan di Curacao Hotel and Tourism Association (CHATA) den un evento organisa na Banco Central di Corsou y Sint Maarten, den presencia tambe di Ministernan Javier Silvania y Charles Cooper. Otro oradornan riba programa a inclui Sra. Cova CEO di CHATA, Sr. Doornbosch Presidente di Banco Central di Curacao y Sint Maarten, y Sr. Humberto de Castro Managing Director di Curacao Ports Authority. Presente tabata tambe Ministernan Silvania y Cooper.”. Pa e discurso completo, click AKI