- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Corte: Ducapro no por cobra Hits 100FM royalties y prohibi nan di toca si no paga
ORANJESTAD - Riba 2 april 2025 Hues a dicta sentencia den e caso cu Ducapro a entama contra Q-Waves/Hits100FM. Den e caso aki e Fundacion Ducapro a pidi Hues pa prohibi Q-Waves/ Hits100FM toca musica den aire di artista of autor representa pa Ducapro y a demanda pago di AWG.250,-- pa cada biaha cu Q-Waves/Hits100FM actua encontra di e prohibicion. Despues di e tratamento di e caso, Ducapro a expande nan peticion y a demanda pa duna Q-Waves/Hits100FM permiso pa toca musica den aire di artista y of autor representa pa Ducapro bao condicion cu Q-Waves/Hits100FM ta paga Ducapro un percentahe di locual nan ta genera.
PENSAMENTO DI Q-WAVES/HITS100FM
Segun e emisora, no ta den discusion cu Q-Waves/Hits100FM ta haci uzo di musica cual artista y of autor tin derechon riba dje. Partidonan ta compronde cu un pago na e artista of autor pa toca e musica den aire ta na su lugar. Sinembargo, segun e emisora, ta un echo cu radio emisoranan na Aruba ta haci uzo di e musica di artistanan of autor ya for di hopi tempo y e peticion di Ducapro ta un medida hopi drastico cu no por wordo aplica sin mas.
PAGA ROYALTIES
Tabata na fin di aña 2023 cu Ducapro a acerca Q-Waves/Hits100FM cu e mensahe cu nan mester cuminsa paga pa haci uzo di musica cual artista y of autor nan tin derecho riba dje (royalties). Desde e tempo ey partidonan a drenta den discucion tocante, entre otro, e suma rasonabel pa cu esaki. Partidonan no ta comparti e mesun opinion tocante e factornan economico di e mercado local cu mester tuma den consideracon. Ademas Q-Waves/Hits100FM no ta comodo compartiendo nan informacion financiero y administrativo cu Ducapro sin regulacion of siguransa di confidencialidad.
SENTENCIA
Hues ta opina cu e obhecionan aki di Q-Waves/Hits100FM no ta irasonabel, en especial considerando cu Ducapro ta unilateralmente demanda pago sin tene cuenta cu e circumstancianan local y sin base den ley local. Un prohibicion pa toca musica tin consecuencia severo pa Q-Waves/Hits100FM como radio emisora. Considerando e tempo limita bao cual partidonan tawata den discusion, Hues ta haya e peticion mucho drastico. Ademas tin varios otro radio emisora cu tambe ta haci uzo di musica cual artista y of autor tin derecho riba dje y cu tampoco no ta paga p’e.
Corte Superior a rechasa deseonan di abogadonan den caso di ex politico Howell ( Diamante)
ORANJESTAD - Corte Superior di Husticia a rechasa awe tur peticion di abogadonan di e sospechoso ex politico Alan Howell pa mas investigacion den e caso penal conoci como ‘Diamante’. Durante e tratamento den apelacion di 25 di maart ultimo, abogadonan di e sospechoso a pidi pa scucha varios testigo y pa agrega documentonan adicional na e dossier di e caso. Corte Superior di Husticia a rechasa e peticionnan di e abogadonan debi na insuficiente hustificacion y insuficiente necesidad. Anteriormente Ministerio Publico a tuma e mes postura aki.
OM: Lo persigui e dos agentenan policial cu a tira hoben Lanoy mata
ORANJESTAD - Ministerio Publico diabierna atardi a informa cu a dicidi pa persigui e dos agentenan policial envolvi den e caso di tiramento di e hoben Lannoy cu a fayece a consencuencia di e tiramento. E dos agentenan policial lo wordo cita pa responsabilisa nan mes dilanti hues. Nan lo wordo acusa primariamente di ta complice di homicidio.
Presidente di Corte a lamenta cu formadornan no a scucha Corte durante session cu stakeholders
ORANJESTAD – Durante e session di combersacion di e dos ex formadornan Eman y Croes cu stakeholdernan recientemente, un stakeholder cu no a wordo invita, ta Corte di Husticia. Algo cu e presidente di Corte Comun mr Mauritz de Kort a informa diabierna durante e instalacion di e vice presidente di Corte Comun, mr Jane Jansen. Durante su discurso, e no a omete e ‘fayo’ aki tampoco y a dedica atencion na e omission importante aki.
OM: Pais Aruba no ta brinda suficiente recurso financiero na Ministerio Publico
ORANJESTAD - Ministerio Públiko no ta wòrdu guiá pa preferensia polítiko, fiscal Barbara van Unnik a sigura esnan presente diabierna durante su discurso na ocacion di e instalacion di e vice presidente di Corte Comun Jane Jansen. “Òf desaprobashon. Ministerio Publico ta wordo guia door di e texto di e ley”.
De Kort: Corte di husticia tambe ta afecta pa situacion di stress
ORANJESTAD – Durante instalacion di e vice presidente di Corte, Jane Jansen diabirna ultimo, presidente di Corte, mr Mauritsz de Kort a admi cu Corte di husticia ta sufriendo di stress di trabo. “ Nos tambe ta eksperensiá e strès hudisial aki denter di Korte. Esaki por ta debí na e naturalesa di e trabou òf e intensidat di un asuntu. E por redusí e kantidat di trabou tambe, pa motibu di e kantidat di kosnan riba nos sèn. Òf pa motibu di e dinámika kambiante den sosiedat. Nos Corte a bin ta traha den e mesun cuadronan financiero y organisatorio, mientras cu e trabounan den e añanan ey a aumenta significativamente” de Kort a bisa durante su discurso. Segun de Kort, nan trabou ta birando mas kompleho i siudadanonan ta birando mas franko. Esaki ta kondusí na un situashon kaminda en realidat nos ta ‘komiendo nos mes’. Demasiado trabou, muchu preshon i muchu tiki tempu i rekurso. Ku esaki nos ta hasi nos hendenan tin bia ta kai kòrtiku, nos ta kima nos mes afó.
Corte: Gobierno no por aplica ley di LNT pa directornan di Horacio Oduber Hospital
ORANJESTAD – Den un sentencia cu por tin basta embergadura pa mas instancia local, Corte diaranson a hala atencion di gobierno di Aruba un banda, y pone e ley Landsverordening Normering Topinkomens un banda pa e dos directornan di hospital Horacio Oduber. Esaki ta e ley cu ta regula cuanto maximo un persona cu ta gana un salario di e.o. director di un compania, por gana maximo. Y a usa e filosofia cu e no por gana mas cu 150% cu salario di prome minister di Aruba. Den e sentencia aki, e ‘flie’ no a subi y huez a ‘pone e ley un banda’ y cu e ley tin ‘consecuencia cu ta bay mucho leu’.
Follow NoticiaCla
