Corte: Benny Sevinger tin cu paga 840 mil florin bek na pais Aruba

ORANJESTAD – Ex parlamentario Benny Sevinger tin cu paga pais Aruba 840 mil florin bek. Asina huez a dicta den e sentencia di e caso di expropiacion (ontneming) relaciona cu e caso penal Avestruz. Huez a bisa en corto cu e ta di acuerdo cu Ministerio Publico grandemente, pero ta reduci e suma original di 901 mil, na 840 mil. Ademas, a rechasa e demanda di defensa di Sevinger cu e caso no tabata admissible tanten cu e caso di Avestruz ta den casacion y cu no tin un sentencia. Segun huez, ley di Aruba ta permiti pa trata e caso aki sin cu mester warda riba e casacion. 

Huez. Bo a wordo sentencia den hoger beroep. Bo a entama Casacion. No obstante esey OM a dicidi pa paga 901 mil florin. Bo abogado a bringa esaki, cu n por haci esaki te ora cu un sentencia ta irevocable. Pa e sentencia di awe, Sevinger tin 14 dia pa apela. Algo cu Sevinger a declara na Noticiacla caba cu e lo haci. 

WARDA TRATAMENTO

Tabata durante e tratamento di e caso na februari ultimo, cu e defensa a argumenta cu no por trata e caso aki mientras cu ta wardando e sentencia den casacion di Avestruz. Pasobra si dado caso gana e caso den casacion, e sentencia di expropiacion ta bira inutil. Como tal, a argumenta cu prome cu trata e caso di expropiacion, mester warda e sentencia den corte di Casacion, y despues trata esaki. Pero, huez a rechasa esey. ‘Ley na Aruba ta bisa cu por haci esaki. Esey kier men cu mientras cu no tin sentencia den casacion, por trata esaki, y no mester wante. Uno no tin di haber cu e otro.