Na Hulanda, Gabinete Schoof y minister Faber a sobrevivi otro mocion di desconfiansa

DEN HAAG – Gabinete Schoof na Hulanda a sobrevivi otro mocion di desconfiansa diaranson, despues cu apenas e minoria a vota pro pa e mocion contra minister di Asilo Faber y henter e gabinete Schoof. Esaki no kier men cu nan ta contento cu Faber, sino cu un mocion di desconfiansa lo a nifica posibel caida di e gabinete y e partidonan di coalicion den Tweede Kamer no kier esey awor. Como tal, nan no a sostene e mocion di desconfiansa. E problema tabata cu e minister no kier a firma pa 5 persona haya condecoracion real, debi cu nan a actua liña recta contra su maneho. Prome minister Schoof a cay aden ultimo ora y a bisa cu ta sostene Faber y a firma pa e 5 personanan, y Faber a bay di acuerdo, aunke e no kier pidi despensa pa a nenga di firma.