- Ocho senador democrat a ‘bula cura’ y vota pa yuda pasa ley pa habri gobierno Mericano atrobe
- VIDEO: Corte Superior a condena muher pa castigo di 15 aña di prizon pa asesinato di Sergio Maduro
- URGENTE: Polis en busca di hobencito perdi di apenas 6 aña!
- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
Dos Arubiano y dos Yiu di Corsou a topa otro den wega di baseball grandes ligas diadomingo!
SAN DIEGO – Entre e 256 hugadonan internacional di 18 pais cu no ta Mericano den baseball Grandes Ligas, 4 tabata di Aruba y Corsou hungando contra otro diadomingo anochi. Den un wega particular, no menos cu 2 yiu di Corsou y dos Arubiano, a hunga contra otro diadomingo anochi den e wega di San Diego Padres contra Atlanta Braves, na San Diego. Xander Bogaerts tabata e unico di Aruba pa Padres, contra Chadwick Tromp di Aruba y Jurrickson Profar y Ozzie Albies di Corsou pa Atlanta Braves.
Di tur cuater, esun cu a presta miho, tabata Bogaerts, cu a dal un doblete, score dos biaha y haci algun tremendo fildeo. Na final, San Diego a gana e wega 5-0.
Interesante tabata ora cu Bogaerts tabata bati, pa wak un Arubiano bati, mientras cu otro Arubiano ta catch e bala, como catcher, riba tereno internacional, dilanti miyones di televidente. Hopi hende por a sinti nan mes orguyoso cu dos isla asina chikito, a presta no menos cu 4 hungador, di 256 internacional, hunto riba un solo anochi,.
Mientrastanto un dato interesante ta cu manera noticiacla a bisa caba, como cu 265 hungado di 18 pais òf estado autonomo cu no ta Merca a keda nombra e temporada aki. Ta prome biaha cu dos hungador a wordo nombra na Aruba. Siguiendo e shortstop di San Diego Padres Xander Bogaerts, e catcher di Atlanta Braves Chadwick Tromp a join y pa Corsou, Jurrickson Profar y Ozzie Albies tabata den Braves.
DJ Nutzbeat ta Ambassador pa di 8 edicion di Diabetes Run & Walk 2025
ORANJESTAD - DJ Nutzbeat ta Ambassador pa di 8 edicion di Diabetes Run & Walk 2025. Naci y crece na Aruba, Eldrick “DJ Nutzbeatz” Boekhoudt ta un DJ local conoci pa su energia, creatividad y espiritu di comunidad. Ora e no ta tras di su turntables, e ta gusta core, hasi drag race, hunga y cushina pafo.
Desicion tin cu cay pronto unda e wega di futbol entre Corsou y Jamaica lo bai tuma lugar
WILLEMSTAD – Despues di e enorme destruccion cu horcan Melissa a laga atras den various parti di Jamaica, mesora a cuminza pensa riba unda e wega crucial entre Corsou y Jamaica lo bai tuma lugar. E wega aki ta plania pa tuma lugar dia 18 di november na Kingston, Jamaica.
COA a ricibi bishita di hobennan cu lo participa den e campeonato mundial di Robotics
ORANJESTAD – Recientemente COA a ricibi un bishita unda Oriana Paneflek, Ruarth Lampe y Guiyan de Nobrega di “The STEM Embassy” a bishita oficina di COA. Aki Nicole Hoevertsz a duna un tour di e edificio, ademas di duna un splicacion amplio y general di Olimpismo y Aruba su historia dentro di esaki. “The STEM Embassy” a crea e ekipo di Robotics cu lo representa Aruba na e competencia Internacional cu yama “FIRST Global Challenge” cu ta tuma luga na Panama City-Panama, otro siman. Remarkabel ta cu e hobennan aki ta studiante di “middelbare school” y ta atende Colegio Arubano. E ekipo lo wordo acompaña door di LeAnn Tromp y Jillian Oduber.
Futbolista hulandes Terence Groothusen a wordo yama pa reforsa seleccion di Aruba
ORANJESTAD - E hungador di futbol profesional hulandes di Olympia Haarlem, Terence Groothusen, a wordo yama atrobe pa representa seleccion nacional di futbol di Aruba. E delantero a wordo selecciona pa e proximo partidonan cu ta tuma luga bou di e nobo Concacaf Friendly Series, un competencia destina pa paisnan cu a wordo elimina for di e clasificacion pa e Copa Mundial.
Yiu di Corsou Ceddanne Rafaela ta gana e Fielding Bible Award pa prome biaha
BOSTON – Ayera a anuncia e diferente ganadornan di e Fielding Bible Award, cu ta e premio pa e mihor hungador defensivo na kada posicion den Liga Grandi. E yiu di Corsou, Ceddanne Rafaela, a gana e Fielding Bible Award como e mihor centerfielder defensivo den Liga Grandi. Esaki ta e prome Fielding Bible Award den e carrera di Ceddanne Rafaela. E a bira tambe e di tres yiu di Corsou pa gana e premio aki. Andruw Jones a gana un Fielding Bible Award, mientras Andrelton Simmons a gana seis. Den historia di e premio, Simmons ta e di dos hungador cu mas biaha a gana e Fielding Bible Award. Solamente Mookie Betts, cu ayera a gana su di shete, tin mas cu e shortstop yiu di Corsou.
Boston Red Sox tambe ta planea pa laga Chadwick Tromp bay
BOSTON – Boston Red Sox no ta bay tene e arubiano Chadwick Tromp, sino lo lague bay y bira agente liber. Nan a firma Tromp na juli ultimo, den intento pa e bira e di 3 catcher pa yuda e novato Narvaez. Pero e no ta parce di ta produciendo suficiente.
Follow NoticiaCla
