Parlamento a aproba presupuesto di Aruba den forma unanime

ORANJESTAD – Diasabra marduga pa 1’or, Parlamento a aproba e presupuesto di pais Aruba pa 2025 unanimamente (total di 19 voto). Cu esaki, e ta cumpli cu e ‘peticion’ di Gobierno Hulandes pa keda cla cu esaki pa mas tarda 31 di maart 2025 esta dialuna. Aunke no tabatin un multa of consecuencia pa Aruba si no cumpli, e presion tabata suficiente pa pone presion riba Parlamento. Esaki si mira cu e tratamento tabata solamente riba un dia, y a sigui for di merdia despues di cu a caba huramenta e ministernan nobo, te ora cu esaki a termina, algo mas di 12 ora despues. 

PROMESA NO CUMPLI?

Notable ta cu a haya varios mocion pa aproba, y of mocion, pero no a inclui e suma di 700 florin pa cada pensionado, manera cu a priminti durante campaña, esta cu den e prome 100 dia di gobierno, lo paga esaki. E premier a bisa cu na caminda, esaki lo sosode. E prome 100 dianan a cuminsa conta diabierna ultimo, y lo mira si esaki ta keda logra ainda. Partido MEP a critica cu a kita varios placa di instancia y departamento, den intento di reduci e gastonan di ‘goederen en diensten’. Un promesa cu gobierno nobo a haci, di lo reduci esaki cu por lo menos 10%.