Na Corsou pa eleccion, te 12 or di awe mèrdia 25.133 persona a entrega nan voto

WILLEMSTAD.- Konseho Supremo Elektoral awe mèrdia 12 or a duna informashon tokante e dia di elekshon. Segun KSE te 12 or di mèrdia un kantidat di 25.133 hende a entrega nan voto. 111.781 siudadano por vota.

8’ or di mainta kasi tur urna a habri nan tempu, solamente 1 urna a habri dies pa 9’or di mainta pa motibu di problema ku kandal.

Segun polis tur kos a bai relativamente trankil. Tabatin dos insidente. Presidente di urna 69 a pidi asistensia di polis pa motibu ku un dama no a sali su ‘stemhok’. Polis mester a bin. A papia ku e sra ku despues a sali urna. Na urna 104 un miembro di prensa femenino a pidi un persona pa saka su portrèt ora el a entrega voto. Presidente di urna a yama polis ku a intermediá ku e periodista.

Tambe prensa a haña informashon di Kranshi. Entre 10 di mart i awe a entrega 4890 karchi di duplikado pa hende por bai voto. For di 10 di mart 973 hende a bin pa nan sédula. Kranshi lo ta habri djabièrnè te mitar di 7 pa hende ku ke haña nan sédula pa nan por entrega nan voto. NOTA: Texto ta scirbi den Papiamento fonetico di Corsou.