Na Hulanda, comision Relacionan di Reino a termina den pleito

DEN HAAG – E animosidad entre e partidonan di gobierno Hulandes a yega tambe na e Comision di Relacionnan di Reino cu di otro manera tabata trankil. Esaki a sosode diaranson durante un reunion, manera cu e portal koninkrijksrelaties a raporta. Partnernan di coalicion Faith Bruyning (NSC) i Peter van Haasen (PVV) a intercambia argumentonan verbal, despues di cua e prome a bandona e reunion rabia. Despues el a keda suspende pa presidente Olger van Dijk (NSC) pa bai tras di su compañero di partido cu despues a disparce for di bista.

E motibu di e choke tabata e proposicion di Aukje de Vries (VVD) pa plania un debate riba e maneho financiero di e seis islanan, pero esaki a keda rechasa pa mayoria di GroenLinks-PvdA, NSC y SP presente. “No ta un prioridad,” Bruyning a declara, kende despues a defende tuma over un archivo tocante educacion den Caribe cu ta pertenece na e Comishon di Enseñansa di e Camara.

Esey no a bay bon cerca De Vries y Van Haasen. E ultimo a acusa Bruyning di kier tin algo cu “ta cuadra cu su agenda”, pero no si esey ta e caso – manera cu e materia di Maneho Financiero. E estado di animo no a mehora ora Bruyning a declara cu e tabatin tiki confiansa cu PVV y VVD lo kier hiba un debate constructivo riba e asunto aki y cu e kier us’é principalmente pa “punta dede riba e islanan sin respet.” Van Haasen a yam’é “bergonsoso” pa impone condicionnan riba e intencionnan di otro fraccionnan di antemano, na cua Bruyning a contesta bisando cu e contribucionnan di e miembro di PVV na debatenan tabata “hopi bergonsoso” “i mi ta pon’e cortesmente.”

Bruyning a haya apoyo di oposicion. Raoul White (GroenLinks-PvdA) a yama e contesta di Van Haasen “absolutamente ridiculo, incorecto y inapropia”. Mientras e tabata grita cu e no a haña su partner di coalicion colegial, Bruyning a paketa su cosnan y a sali for di e kamber. Presidente Van Dijk a suspende e reunion, a bay su tras y a logra persuadi’e pa bolbe bek, despues di cual e ultimo parti di e agenda a keda cla. Pero e no tabata dibertido mas.