Benschop: Ta spera di tin e terminal nobo (US departures) di aeropuerto, operacional na mei

ORANJESTAD – Si tur cos bay segun plan, pa mei proximo, ta habri e terminal pa pasaheronan biahando pa Merca, na aeropuerto Reina Beatrix. Trabounan ta avansando na e terminal y recientemente un di e gerentenan, Jurgen Benschop a splica cu dentro di poco lo ‘welcome’ e pasaheronan den e terminal di check-in. 

OPERACION SIGUR

Segun Benschop, pa por sigura un operacion sigur y safe, ta usando e luna di maart actualmente pa e proveedornan di servicio di aeroliñanan y e ekipo di aeropuerto mes, tin e tempo apropia pa entrena y por usa e uso apropia di e facilidnan nobo na dicho terminal. Den e luna di April, ta cuminsa usa e espacio nobo di ekipahe cu e groundhandlers cu e aeroliñanan cu nan ta sirbi, pa asina test y haci pruebanan cu e ekipo respectivo. “Si tur cos cana bon den April, nos ta premira cu pa e prome siman di mei, e terminal nobo por ta completamente operacional, cu tur e aeroliñanan y groundhandlers” Benschop a bisa. “Nos ta hopi emociona y nos no por warda pa ricibibo y usa e facilidadnan nobo!” e la finalisa bisando.