- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
“Studenten Commissie Aruba” a keda instala oficialmente na Arubahuis
DEN HAAG – Na Arubahuis, a tuma lugar un ceremonia pa instala oficialmente e prome miembronan di e “Studenten Commissie Aruba” (SCA). Esaki a sosode den presencia di Prome Minister demisionario Evelyn Wever-Croes, Minister Plenipotenciario demisionario Ady Thijsen, director di Gabinete di Aruba Joselin Croes, mentornan, representant nan di ministerio di OC&W y personal di Gabinete di Aruba.
E “Studenten Commissie Aruba” ta consisti di shete (7) miembro kendenan a keda apunta despues di un procedura di solicitud. E miembronan – reparti den diferente region - ta Roderick W. Atmowirono, Chloe Manon Ruiz, Alejandra Mc Bene Courtar Moreno, Nathan Perez, Emile Lambrinos, Tai Kon Ashley Trimon-Lee, Delaiah Edilianne Tromp y nan ta bin di e region nan di Utrecht, Nijmegen, Arnhem, Limburg, Rotterdam, Den Haag y Leiden.
Prome cu e ceremonia e shete miembronan a firma e acuerdo di e SCA y despues durante e ceremonia special a keda instala. Na e ocacion aki Minister Plenipotenciario demisionario Ady Thijsen a tene un discurso unda e mandatario a acentua e importancia di tin un organisacion di studiante cu conoce e mundo estudiantil y asina por ta duna aviso na Gabinete di Aruba. Minister Thijsen a bolbe ripiti cu pa Aruba ta importante cu nos studiantenan regresa Aruba.
Director di Gabinete di Aruba Joselin Croes a introduce e miembronan di e SCA cu un storia chikito di nan trayectoria. E miembronan despues a duna un splicacion di nan motivacion pa a solicita pa ta parti di e SCA y kico ta nan idea y plannan pa e comunidad estudiantil Arubiano. Senora Croes a bisa cu tur esaki ta posibel danki na e trabao duro di e departamento di Enseñansa di Gabinete di Aruba en especial Ivonne Navas y Jennifer Sneek.
Finalmente Prome Minister a duna un palabra di gradicimento na e miembronan pa a dicidi di ta parti di e SCA aki y ta sigur cu nan trabao lo ta na beneficio di studiantenan Arubiano na Hulanda y a desea tur e miembronan di SCA hopi exito
E idea pa lanta un “Studenten Commissie Aruba” ta e resultado di e diferente sesionnan di brainstorm cu a tuma lugar y encuestanan haci bou di studiantenan. Aki a sali afor cu e deseo di e studiantenan ta pa wordo scucha y pa tin mas voz riba e maneho, plannan y guia di studiantenan Arubiano na Hulanda. Meta di SCA ta pa duna conseho na Gabinete di Aruba riba asuntonan cu ta di interes pa studiantenan Arubiano na Hulanda. Alabes SCA lo yuda pa fortifica e lasonan entre Gabinete di Aruba y studiantenen. Tambe SCA lo yuda Gabinete di Aruba cu idea pa encuentronan, workshops, jobfairs y duna informacion nan studiantenan.
E miembronan di e SCA a keda nombra pa e periodo di 7 di Februari 2025 te cu 31 di December 2026. Despues lo start un procedura di solicitud nobo pa apunta e miembronan pa e siguiente periodo di un aña.
Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
DEN HAAG – Na Hulanda, lider di partido politico Rob Jetten (D66), Henri Bontenbal (CDA) y Dilan Yesilgöz (VVD) a combersa cu informador saliente Sybrand Buma. Lider di D66 Rob Jetten a propone oficialmente diaranson mainta cu Rianne Letschert ta bira e nobo informador durante e debate di formacion. E presidente actual di Universidad Maastricht lo guia e siguiente fase di formacion di gabinete — cu D66, VVD y CDA. Kamer a debate diarason tocante esaki cu e informador saliente Sybrand Buma.
Preocupacion den Tweede Kamer durante debate tocante Venezuela
DEN HAAG - Den Tweede Kamer tin gran preocupacion tocante seguridad di Aruba, Bonaire y Corsou awor cu tension rond Venezuela ta subiendo. E islanan ABC ta so cu algun docena di kilometro for di costa Venezolano. Esey a keda trata diamars anochi durante un debate di e comision di Reino di Tweede Kamer. Tin preocupacion tocante violencia di Merca, inestabilidad den region y e riesgo cu e conflicto por bira mas grandi, cu tur consecuencia ey pa e islanan. “Esaki no ta un cos leu for nos cas , esaki ta na porta di nos Reino”, segun miembro di Tweede Kamer di BBB, Vermeer. Segun minister di Relaciones Exterior Van Weel (VVD) no tin ningun peliger inmediato pa e islanan, pero e gobierno ta sigui e situacion di cerca cu contacto frecuente cu autoridadnan local. Tambe nan ta consulta cu otro paisnan pa mira con por actua hunto si tension ta escala. Como precaucion, e barco marino Hulandes Zr. Ms. Den Helder a bai for di Merca pa Caribe, segun Van Weel. Esaki por yuda den abastecimiento si necesario. Pa awor no tin razon pa panico, segun Van Weel, pero e lo “disponibel dia y nochi” si tin pregunta for di e islanan, “y mi ta serio”. Varios partido manera GroenLinks-Pvda, D66 y Denk ta bisa cu ta trata di violacion di derecho internacional.
Rianne Letschert (D66) ta e informador nobo pa dirigi formacion di D66, CDA y VVD
DEN HAAG - Rianne Letschert, president di directiva di Universiteit Maastricht, lo bira e nobo informador na nomber di D66. E tin como tarea pa dirigi e proximo ronda di combersacionnan entre Jetten (D66), Bontenbal (CDA) y Yesilgoz (VVD). Letschert ta tambe presidente di Nationaal Groei Fonds. Mañan tin un debate den Tweede Kamer tocante e reporte final di informador Buma (CDA). E la conclui cu aworaki no tin posibilidad pa un gabinete di mayoria. VVD ta blok GroenLinks-PvdA y D66 no kier un coalicion cu JA21. D66 lo propone formalmente na Kamer e proximo fase den formacion. Ta spera cu un mayoria den Kamer lo ta di acuerdo, aunke PVV y GroenLinks-PvdA probablemente lo vota contra. Despues di esey, e informador nobo por cuminza traha y VVD lo sinta tambe den e combersacionnan di contenido. E documento conjunto – e “agenda positivo” di Bontenbal y Jetten – lo wordo revisa atrobe pa mira con por sigui pa lanta un gobierno.
Na Hulanda, informador Buma tambe no a yega na un gabinete mayoria: ‘Formacion ta duna y tuma’
DEN HAAG - “Sin duda mi trabou como informador a bira mas dificil pa motibo di e blokadenan,” asina informador Buma a reconoce durante presentacion di su reporte final awor despues di tres siman di negociacion. E ta mira cu aworaki ainda no tin posibilidad pa forma un gabinete di mayoria pa un gobierno nobo. VVD ta blok GroenLinks-PvdA y D66 no kier un coalicion cu JA21.
Tweede Kamer ta debate tocante tension den Caribe y impacto riba Reino diamars
DEN HAAG – Comision di Asunto Exterior di Tweede Kamer lo tene un debate diahuebs anochi tocante “tensionnan cu a subi den Caribe y e consecuencia pa Reino.”
Tension entre Merca y Venezuela por dal economia di islanan hulandes den Caribe hopi duro
DEN HAAG - Preocupacion riba Aruba, Boneiru y Corsou ta aumentando awor cu tension entre y Venezuela a subi. Un posible confrontacion militar por afecta economia di islanan hopi duro. Desaroyo di onestabilidad den region por tin efecto negativo directo riba turismo y economia di islanan, segun Eric van der Burg, vocero di asunto exterior pa VVD den Tweede Kamer, a bisa den e programa BNR De Werld.
Follow NoticiaCla
