- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Fondo pa Proyecto Periodístico Special cu posibilidad pa subsidio den e parti Caribense di Reino
ORANJESTAD - Durante un bishita di trabou e fondo lo combersa cu periodista- y creadonan periodistico, pa siña di periodismo local y duna informacion tocante areglo di subsidio existente di e fondo.
For di 30 di januari te cu 16 di februari 2025 Fondo pa Proyecto Periodístico Special (Fonds Bijzondere Journalistieke Projecten – Fonds BJP) ta haci un bishita di trabou na Corsou, Aruba, Boneiro, Sint Maarten y Saba, cu e meta pa cera conoci cu periodista- y creadonan periodistico di e parti Caribense di Reino.
NECESIDADNAN PERIODISTICO
Durante e biahe di trabou akí Joëlle Terburg, director di e fondo special aki, y Wensley Francisco, creado di programa y documental, ta spera di siña mas tocante e necesidadnan specifico di periodismo local, y pa trece e posibilidadnan cu e Fondo ta ofrece na atencion di periodista- y profesionalnan di medionan di comunicacion local.
Fondo pa Proyecto Periodistico Special ta un fondo di subsidio cu ta sostene periodista- y creadonan periodistico cu subsidio pa proyecto pa producionnan periodistico mas grandi, manera documental, reportahe (web), podcast y obra skirbi.
TALENT DI PERIODISTA
Banda di esaki e fondo ta forma parti importante den desaroyo di talento di e periodista, pa gana experiencia periodistico pa medio di pasantia, y beca pa curso y capacitacion. Te cu awo e actividadnan di e fondo tabata enfoca principalmente riba Hulanda Oropeo, pero e cantidad di peticion for di e area Caribense cu ta keda atras y e deseo pa sincronisa e areglo mas miho cu e nececidadnan di e periodistanan for di e area ey, a conduci na e plannan pa e biahe di trabou akí.
Joëlle Terburg ta duna splicacion tocante e biahe: ‘Nos ta mira cu tin hopi calidad y talento riba e islanan akí, pero nos ta mira tambe cu tin desafio specifico cu kisas nos por sostene mas miho cu nos fondo. A bira tempo pa nos hala mas cerca y drenta den combersacion cu e periodistanan y creadonan periodistico pa tende kico realmente ta nan necesidad.’ E fondo aki ta brinda diferente forma di sosten, for di subsidio pa proyecto te beca
pa desaroyo periodistico.
TRAINEESHIP
Banda di e formanan di sosten aki tin tambe e Programa di Formacion y Trabou (traineeship) pa Periodismo di Investigacion y e Beca pa Desaroyo Periodistico pa periodistanan (freelance) cu kier sigui desaroya nan mes mas leu. Tambe e fondo ta organisa encuentronan pa promove intercambio y colaboracion entre periodista y e ta brinda oportunidad pa experimenta cu formanan nobo di narativo y di publicacion.
TOCANTE E FONDO
Tocante e Fondo pa Proyecto Periodistico Special E Fondo pa Proyekto Periodistico Special a ser lanta na aña 1990 y ta duna sosten na periodistanan. E financiamento ta bin for di e Presupuesto di Cultura y Medionan di Comunicacion di Ministerio di Enseñansa, Cultura y Ciencia y tin como meta sostene produccion di proyectonan periodistico independiente y pa stimula desaroyo di periodistanan. Durante e biahe di trabou no ta presenta e fondo solamente como fuente di financiamento, pero ta spera cu ce por contribui tambe na periodismo local. Pa mas informacion y e areglonan disponibel, por bishita www.fondsbjp.nl. Actualmente e website ta disponibel solamente na Hulandes. Pa mas informacion tocante e bishita di trabou na e islanan, pa traha un cita personal of pa participa na e encuentronan/tayernan informativo, tuma contacto cu e coordinadonan di e bishita di trabou
E coordinador pa e Fondo aki na Aruba ta Alice van Romondt y por tuma contacto cune na email [email protected]
Dia 10 di februari di 6ór pm te cu 9ór pm lo tin un town-hall meeting na Cas di Cultura. Por registra via [email protected]
Hospital Horacio Oduber tambe a participa na simulacro pa Tsunami awe
ORANJESTAD – Personal di Horacio Oduber Hospital (HOH) tambe a participa diahuebs mainta na e simulacro pa yegada di un Tsunami, segun Caribe Wave 2025. Esaki a cuminsa pa 11’or di mainta. Director Jacco Vroegop a sigura Noticiacla cu tur cos a bay rustig y bon planea. E intencion di e simulacro ta pa midi e estado di preparacion di tur instancia concerni, den caso di un alerta real di un Tsunami. Na tur, como 33 mil persona lo mester tabata envolvi riba e isla completo.
Roos: E tayer pa siña traha documentario, 'Documentary Bootcamp' ta bolbe!
DNM riba Earth Hour: Duna naturalesa un ora di bo tempo
ORANJESTAD - Dia 22 di maart proximo, riba diasabra, miyones di hende, empresa y gobierno rond mundo ta participa na Earth Hour. Kico esaki ta nifica? E ta un accion cu ta encera paga e luznan pa un ora, pa asina dedica tempo un rato na conscientisacion di e importancia di nos naturalesa y con consumo di coriente, tin biaha inncesario, por afecta naturalesa y medio ambiente.
Scol Saludabel Aruba cu training pa Gezonde School Adviseurs y Gezonde School Coordinatoren
ORANJESTAD - Den siman di 10 te cu 14 di maart 2025 Scol Saludabel Aruba a organisa un training pa ‘Gezonde School Adviseurs’ y ‘Gezonde School Coordinators’. Na e training aki a participa un grupo di profesionalnan di diferente departamentonan di gobierno entre otro, Departamento di Salud Publico su seccion di Jeugdgezondheidszorg y Health Promotion y Departamento di Asuntonan Social. Tambe a participa un grupo di maestro di e diferente scolnan cu ta den e proceso pa bira un Scol Saludabel. Esaki a encera docentenan di Movecion y Salud, coleganan docente, Interne Begeleiders y/of schoolleiders. E training a wordo duna na Directie Volksgezondheid y edificio di Departamento di Enseñansa (sala MFR)
Feliz dia di Himno & Bandera
CMO: E sistema di alerta trempan di 1.7 miyon euro ta totalmente financia pa Union Europeo
ORANJESTAD – E Oficina di Maneho di Crisis di Aruba a anuncia e lansamento oficial di un Early Warning System (EWS) moderno cu ta un avance importante den e capacidad di Aruba pa maneha calamidad, sigurando cu alerta y informacion crucial ta yega na e momento oportuno na publico durante situacion di emergencia.
Follow NoticiaCla
