- Claudia Arevalo-Del Castillo ta Celebra 5 Aña den Servicio cu Botica di Servicio
- Barco crucero ta raporta brote di malesa despues di bandona Aruba
- Aruba a keda for di Comite di Conmemoracion Pasado di Esclavitud, como protesta
- Prijs di gasoline, diesel y kerosin ta bolbe aumenta diaranson awor !
- Hoo: No ta prome biaha cu biahero cu a wordo nenga entrada na Aruba, ta critica esaki
Negligencia di PDVSA ta causa lekmento di gas na costa di Falcón
FALCON - Piscadonan ta bisa cu e gas cu a lek na costa di Falcon ta pone boto na peliger pasobra nan no por pasa cerca di dje. Tambe e ta core cu e poco scolnan di pisca cu ta landa den e area, debí na e zonido duro emití pa e lek.
Piscadornan di Río Seco den e estado west di Falcón a raporta un fuga di gas den e tuberia bou di awa cu ta suministra e Compleho di Refinacion di Paraguana y ta pasa den henter e Golfo di Coro.
Den un video graba diamars 28 di januari, nan ta pidi autoridadnan pa atende e emergencia cu tin basta dia caba y no a wordo drecha.
Un temblor den Caribe a causa alerta di Tsunami pa Caribe
MIAMI - Un temblor calcula di magnitud 76 a azota Lama Caribe diasabra, noord di Honduras, y islanan y paisnan bisiña a emiti advertencianan potencial di tsunami. Inicialmente, e Centro di ADvertenCia di Tsunami a informA un temblor di magnituD 8 prome cu a revisa esaki.
Merca a confisca avion usa pa gobierno Venezolano
MIAMI – Gobierno Mericano a confisca avion usa pa gobierno Venezolano pa motibonan priva. Segun informacion suministra pai e portal caracas chronicle, e avion aki tabata haci biahe pa Aruba tambe. E ta un avion di PDVSA cu a wordo tuma den beslag a wordo uza pa vice presidente Delcy Rodríguez, hunto cu amigo y famianan di funcionarionan di Maduro, pa viahenan di ocio. E ta bou di sanshonnan di Tesoro di Merca for di 2020. Asina e portal Venezolano ta raporta.
Federacion nobo “Dutch Caribbean Mental Health” ta representa tur 6 isla di Caribe Hulandes
ORANJESTAD/KRALENDIJK – Riba 17 di december 2024, a wordo funda oficialmente e Federacion “Dutch Caribbean Mental Health”. E federacion aki ta e resultado di un cooperacion unico entre FSMA Respaldo (Aruba), GGZ Corsou, Verslavingskliniek Brasami (Corsou), PSI Skuchami (Corsou), y Mental Health Caribbean (Bonaire, Sint Eustatius, y Saba). Mental Health Foundation (Sint Maarten) a indica cu nan lo uni mas despues na e colaboracion aki.
Adkins: Soul Beach Festival por atrae mas cu 4.000 bishitante pa St Maarten
PHILIPSBURG - Soul Beach na St Maarten, cu ta tuma luga pa 21-26 di mei, tin e potencial pa atrae mas cu 4.000 bishitante i inyecta miyones den economia. Di acuerdo cu e Hefe Ehekutivo (CEO) di e festival Mark Adkins, e evento aki por tin efectonan economico di gran alcanse, beneficiando un variedad di sector incluyendo benta, restaurant, taxi y mas. E festival por lo general ta atrae alrededor di 7.000 bishitante. E calculacion pa e regreso pa St Maarten ta alrededor di 4.000.
Reunion cu meta cla pa futuro economico di Aruba, Corsow y Sint Maarten
PHILIPSBURG – Diaranson 29 di Januari Minister Grisha Heyliger – Marten a habri e evento Taking the Reins: Aruba, Curaçao, and Sint Maarten - Driving Their Economic Future in Sint Maarten. Un evento di tres dia dirigi riba expertonan economico di Aruba, Corsow y Sint Maarten cu lo trata e futuro economico sostenibel di e tres paisnan.
Venezuela a propone creacion di ruta maritimo cu Aruba pa comercio di galiña
CARACAS - Durante un reunion na Venezuela den cual instancianan gubernamental a delinea proposicionnan pa encurasha produccion y exportacion di cuminda nacional, Federacion Nacional di Cria di Galiña (Fenavi) a propone creacion di un ruta maritimo entre Venezuela y Aruba pa mercadeo di galiña. Esaki ta interesante mientras cu Aruba ta ‘bezig’ cu Colombia pa cuminsa importacion di carni.
Follow NoticiaCla
