VVD kier Szabó bin cu medida mas severo contra e.o. Aruba

DEN HAAG – Aukje de Vries, Parlamentario di partido VVD, a entrega un mocion unda ta urgi Secretario di Estado Zsolt Szabó pa implementa medidanan mas fuerte pa combati violacionnan di integridad den administracion publico di Curaçao, Aruba, y Sint Maarten. Citando casonan recien di alto perfil, De Vries a declara: “Lamentablemente, nos a mira varios incidente inaceptabel recientemente. Un minister na Aruba a wordo deteni pa sospecho di fraude cu ta encera permiso di estadia y trabou. Un ex-miembro di Parlamento na Sint Maarten a keda sentencia na 18 luna di prizon pa motibo di kcumpra voto durante eleccion. Adicionalmente, un ex minister na Aruba  (Oduber:red) ta enfrenta un castigo di tres aña di prison pa soborno, fraude, y abuso di poder. Mientrastanto un di e lidernan di partido cu ta postula su mes pa eleccion venidero na Curaçao ta cera pa acusacion di labamento di placa. No por permiti esaki den Reino Hulandes.”