Veldkamp: Hulanda lo actua contra Venezuela despues di expulsion di diplomaticonan

DEN HAAG - Como contesta riba e expulsion di varios diplomatico Hulandes for di Venezuela e siman aki, minister di Relashonnan Eksterior Hulandes Veldkamp a yama e encargado di asuntunan Venezolano (un hende cu ta tuma e tareanan di un embahador) ‘op het matje’. Veldkamp ta yama e desaroyonan un escalacion cu ta haci e dialogo mas complica ainda.

Veldkamp tambe ta bisa cu e lo bini cu un contra-contesta. “Nos ta considerando awor, tambe hunto cu partnernan di UE, con e contra-reaccion aki lo ta. Nos ta lamenta e paso aki. Nos lo analisa cu nos partnernan di UE kiko esaki ta nifica pa e relashonnan.”

E accion di Venezuela lo por tin consecuencianan diplomatico pa Aruba, Bonaire y Curacao. Venezuela ta un partner komersial importante, spesialmente pa Corsou.

Debi na e tensionnan cu tin den e pais, Ministerio Hulandes di Relacionnan Exterior a emiti un conseho di biahe negativo pa Venezuela siman pasa