Empresario di supermercado Gerard Van Den Tweel a fayece

WILLEMSTAD – Awe mainta, djamars 14 di januari 2025, Gerard van den Tweel (81) a fayece na Hulanda. Riba Islanan ABC e tabata mas conoci como empresario di supermercado.

Van Den Tweel tabata sufri di cancer. Un siman y mei pasa a anuncia cu pa motibo di su malesa e ta entrega e maneho di su compania na accountant Roy de Ridder despues di 57 aña. “Mi a agotá tur mi opcionnan di tratamento. “E ta un negoshi muriendo,” el a bisa e tempo ei den e revista di negoshi Quote.

Van Den Tweel Supermarket Curaçao ta yama Gerard Van Den Tweel un fuente di inspiracion riba su pagina di Facebook: “Su vishon, pasion y dedicacion a pone e fundeshi pa tur loke Van den Tweel Supermarket ta para p’e. Nos ta sigui hiba su herencia cu orguyo.”

El a bende su cinco supermercadonan riba e Islanan ABC na e empresario jamaikino Gassan Azan na 2018. Gerard Van Den Tweel tabata doño di e supermercado Ling & Sons na Aruba, The Warehouse y Van Den Tweel Supermarket na Bonaire, y Van Den Tweel Zeelandia y Jan Thiel na Curaçao.