Tormenta di sneeuw na Merca a ‘spaar’ buelonan pa Aruba

NEW YORK – Mientras cu gran parti di e parti Oost y central di Merca ta cubri cu sneeuw dialuna mainta, biahamento di e estadonan envolvi, no a afecta Aruba. Esaki kier men cu e buelonan di e estadonan manera New York y Boston, tur a sali normal pa Aruba dialuna mainta. Esaki ta un ‘alivio’ pa hotelnan local, si tene na cuenta cu por lo menos 1400 buelo a keda cancela. Y un cancelacion kier men menos turista pa Aruba. Pa awe dialuna tin 23 buelo di Merca programa pa yega Aruba, di cual 14 ta di e estadonan afecta pa e tormenta. Un total di 7 di nan ya caba a sali sin problema y ta programa pa yega Aruba segun nan tempo original. 

E TORMENTA

E tormenta a cuminsa na e parti central di Merca diadomingo y move pa e parti Oost dialuna mainta. Scolnan ta cera na Philadelphia, Baltimore i Washington, D.C., segun cu e tormenta peligroso ta drenta. Un advertencia di tormenta di winter a wordo emiti pa Washington, D.C., y Baltimore, caminda 8 inch pa 12 inch di sneeuw ta posibel. Si D.C. haña mas cu 8.3 inch, e lo ta e tormenta di sneeuw di mas grandi pa e stad for di 2016.

MINISTER PLENIPOTENCIARIO

E minister cu ta representa Aruba na Washington, sra Zulema Dabian-Erasmus si a keda ‘afecta’ den sentido cu nan a haya un ‘snow day’ awe, cu ta nifica cu obligatoriamente nan mester keda cas, y traha for di cas pa evita peliger riba caya. E la te hasta post un video cute di su cacho di Aruba, cu no ta custumbra cu sneeuw, y e prome reaccion di e cacho.