- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Women’s Club of Aruba ta ricibi donacion cuantioso
ORANJESTAD - Den cuadro cu celebracionnan di fin aña, diabierna mainta a tuma lugar entrega di un cheque conmemorativo na valor di Afl. 25,000.00 na Womens’ Club of Aruba en conexion cu celebracion di nan 90 aniversario.
Women’s Club of Aruba conforma di nos hende muhernan inteligente, fuerte y balente tin 90 aña ta aporta na comunidad di Aruba mediante varios programa social cual entre otro ta inclui aprecio bibo di logronan pa studiantenan ehemplar, conscientisacion di medio ambiente, bistimento di muchan den necesidad, salud entre hende muhernan, como tambe organisa varios eventonan pa recauda fondo cu ta percura pa sostene esakinan. Tur mediante varios comite interno, cual ta conta 100% riba recursonan humano voluntario.
Un Club cu a sa di demostra cu obra cu vision y empatia, den forma structura y determina ta yega su metanan, y asina touch, yuda, y carga esnan cu mas mester di dje den nos comunidad. \Masha masha danki Women’s Club of Aruba y tur miembro cu boso 90 aniversario. Esaki sigur ta merece un gran aplauso.
Darren van Ommeren mes ta dirigi SMAC pa carnaval 72
ORANJESTAD – “Despues di 4 dia di incertidumbre pero tambe varios reunion, awe ta keda confirma cu Darren van Ommeren lo dirigi SMAC den Carnaval 72”. Cu e mensahe cortico aki riba nan portal di Facebook, e organisacion cu ta maneha Carnaval na Aruba, a kita tur duda y incertidumbre riba e tema aki. Pa varios dia, tabatin varios duda. Entre nan, ken ta dirigi carnaval, ya cu gobierno no a duna e permiso ainda, y si SMAC mes ta dirigi carnaval, ken ta na cabez di e organisacion aki. Esey pasobra van Ommeren su tempo stipula lo a vence. Pero ta resulta cu e mes ta bay dirigi e organisacion y cu e organisacion a haya su permiso necesario. Carnaval ta cuminsa oficialmente dia 11 di november proximo pa 11 minuut pasa di 11 di mainta.
Denise de Jongh-Rekwest a lansa otro buki pa mucha na Aruba
ORANJESTAD - Riba diabierne, 31 di october a tuma luga na ATHA, presentacion di un buki nobo na Papiamento pa nos muchanan di Aruba. Titulo di e buki ta ‘No kere mes’ skirbí pa Denise de Jongh-Rekwest, publica pa Request Publishing.
Confirma: Juan Luis Guerra & 440 den concierto na Aruba na December awor
ORANJESTAD – Juan Luis Guerra y su 440 ta presenta den un concierto na Aruba dia 13 di December proximo. E rumor a keda confirma diaranson atardi durante un conferencia di prensa. E lugar lo ta Harbour Arena, y e concierto ta titula Juan Luis Guerra & 440 Live in Paradise. Ultimo biaha cu e tabata den region tabata na Corsou, aña pasa durante e Curacao North Sea Jazz Festival. Keda pendiente pa mas detaye di e concierto.
Aruba Bank a haci donación di 100 mil florin na Stichting Casa Cuna Progreso
ORANJESTAD - parti di su “Legacy Project” en conexion cu celebracion di 100 aña, Aruba Bank a anuncia cu e ta duna un donacion di AWG 100,000 na Stichting Casa Cuna Progreso (SCCP) pa yuda cu e compra di un bus nobo di 15 asiento.
Clyde Harms a sorprende cu e publicacion di “E bahul di Clyde”
ORANJESTAD - “E Bahul di Clyde’ ta un coleccion di mas di 100 articulo tocante un variedad di topico cu Clyde a yega di publica den diferente corant local y den revista na Aruba y Hulanda. E articulonan ta basa no solamente riba Clyde su recuerdonan, sino tambe riba investigacion cu el a haci tocante acontecimento, cultura y historia di Aruba. Pues e buki aki ta cay bou di e categoria di no ficcion. E articulonan aki ta pone nos bira consciente di nos historia y nos cultura cu tin hopi cos di siña nos. E articulonan ta skirbi na un manera masha accesibel, loke ta haci e lesamento masha placentero. Y ta casi sigur cu cerca algun lesado ta lanta un sintimento di nostalgia tambe. Nostalgia, pasobra hopi cos cu nos por a experiencia durante nos hubentud a cambia den transcurso di tempo; hopi cos a pasa pa pasado. P’esey mi por yama E Bahul di Clyde tambe “Loke Clyde a rescata pa nos”.
Kiwanis Club of Aruba cu Halloween Charity Gala
ORANJESTAD- Miembronan di Kiwanis Club of Aruba (KCA) ta druk preparando pa e Halloween Charity Event 2025 diabierna 31 di oktober 2025 na Renaissance Convention Center.
Follow NoticiaCla
