- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
Na Corsou, specialistanan ta bandonando hospital CMC debi na asunto di LNT
WILLEMSTAD – Curaçao Medical Center (CMC) den un karta ku karakter di urgensia i alarmante nan ta ilustrá e situashon prekario ku tin aktualmente na CMC. Nan ta bati bèl pa motibu ku henter e operashon di hospital por kai den otro. Den un karta ku ta konta ku 5 paginá ampliamente motivá, CMC ta splika Minister Silvania e seriedat di e realidat di CMC i defakto ku no tin tempu pa pèrdè mas.
Dia 6 di novèmber último CMC a manda un karta pa Minister pa haña aklarashon riba e medida di “Landsverordening Normering Topinkomens” (LNT) pa spesialistanan. E echo ku te ku ayera CMC no a haña reakshon di parti di Minister Silvania, tabata nesesario pa bolbe manda un karta ku karakter di urgensia.
Di akuerdo ku e dokumento di desishon, pa asina desaroyá un sistema di enumerashon pa prestashon refiriendo na un karta fechá 29 di aprel 2024 di Minister, ku ta trata di un karta pa klarifiká un kantidat di punto relashoná ku e dokumento di desishon i e oumento anunsiá den un dokumento básiko relashoná ku LNT.
Manera menshoná e karta ta ilustrá un situashon preokupante den kua CMC ta aden aktualmente. E situashon aktual ta un menasa direkto pa kontinuidat i siguridat di kuido ku mester keda duná. Den e diferente spesialidat, ta surgiendo riesgonan, ku ta direktamente vinkulá ku e problemanan rondó LNT.
E hunta di direktiva di CMC a aserká Inspektor General di Salú Públiko pa e situashon di urgensia i menasante ku ta eksistí, ku a primintí di diskutí esaki pronto, miéntras e situashon di CMC ta birando mas i mas prekario. E karta ta ilustrá menasanan agudo eksistente.
T’asina ku na fin di novèmber 2024, CMC a tene un reunion ku SVB kaminda e 2 dòkternan di stoma, tripa i igra (MDL) a bati alarma un biaha mas, pasobra e departamento no tin personal, miéntras esfuersonan pa yega na spesialistanan nobo te awor a keda ébano.
Pa loke ku tin riba mesa pa ofresé un spesialista no ta kompetitivo. Esaki ta hasi kasi imposibel pa atraé spesialista médiko.
CMC a trese algun ehèmpel konkreto dilanti.
Pa loke ta trata spesialistanan MDL 6 di e kandidatonan spesialisá (1 di Sürnam, 3 di Venezuela, 1 di Perú i 1 di Spaña) a renunsiá di nan trabou na CMC pa motibu di e areglo di LNT.
Un spesialista kolombiano ku tei aktualmente ainda, no ta sigur si lo sigui traha. Si e spesialista aki tambe retirá, e ora ei su pareha spesialista tampoko lo bin Kòrsou. Pues CMC ta bolbe na e punto sero.
Sinembargo, CMC ta sigui buska spesialistanan MDL, via e institutonan prinsipal di Colombia i tambe via di kontaktonan di SVB, pero e proseso ei ta sumamente difísil.
Afortunadamente, un spesialista ku ya a yega edat di baha ku penshun a disidí resientemente ku e lo sigui pa un aña mas.
Tin kòmbersashonnan tumando lugá ku Hospital Atventista pa un di nan dòkternan di MDL yuda CMC. Tin tur indikashon ku esaki lo ta un solushon temporal.
Lamentablemente tin dos otro spesialista di MDL aki na Kòrsou ku ta traha riba nan mes, tampoko ta disponibel pa traha bou di e kondishonnan di LNT.
E problema aki ta ripití den “Keel-Neus-Oor” (KNO), ürólogo i no papia mes di spesialistanan di wowo. Listanan di espera ta asina largu ku si un pashènt pidi un sita awor aki, te aki 6.5 luna e lo por yega na turno. E situashon aki ta realmente alarmante mi ta persistí den tur e departamento di CMC.
CMC ta di opinion ku e solushon por ta simpel.
E spesialista médiko empleá pa CMC mester keda pafó di e aplikashon di LNT, òf e standart di pago máksimo mester keda oumentá na 501.000 florin. Den e kaso aki tin un sierto urgensia rekerí esta kuminsá kita den un forma gradual for di e norma máksimo aktual segun LNT (Nafl. 386.000) i kuminsá dia 1 di yanüari 2025, pa yega na e norma nobo. NOTA: Texto scirbi den Papiamento fonetico di Corsou.
Prome caso di asesinato di 2025 na Corsou
WILLEMSTAD - Corsou ta conoce e prome caso di asesinato pa aña 2025. Un homber a keda asesina awe den oranan di marduga den Makreelstraat, cu ta den bario Marie Pampoen. Tur kos ta indica cu un homber bisti na paña preto cu a bai riba baiskel a tira riba un homber sinta den su balcon, cu como consecuensia di esaki a fayece. Polis ta investiga e caso.
Na Corsou, atrobe Corte ta rechasa suspension di detencion di lider di partido KEM
WILLEMSTAD - Pa di dos biaha, e petishon pa pone e lider polítiko di partido KEM Michelangelo “Lo” Martines den libertat, a keda rechasá dor di Korte. Esaki a sosodé ayera. Korte di Promé Instansia a rechasá e petishon di anulashon di e aresto preventivo i e petishon pa suspendé e aresto preventivo di e eks parlamentario Martines. E desishon aki ta suprayá e seriedat di e sospechonan i e nesesidat pa kontinuashon di e aresto preventivo.Djabièrnè un biaha mas Martines a bai korte pa por suspendé su detenshon.
Na Corsou a aresta 4 persona cu ta labora na Wardacosta
WILLEMSTAD - Ministerio Públiko awe ta konfirmá 4 detenshon realisá den oranan di awe mainta relashoná ku investigashon di un kaso di droga. Ta trata di 4 persona ku ta laborá na Wardakosta. A realisá un total di 7 entrada hudisial den e kaso. No ta eskluí ku por tin mas detenshon. NOTA: Texto ta scirbi den Papiamento di Corsou.
Na Corsou ta dicidi dialuna si lider politico di KEM ta sali liber di prizon
WILLEMSTAD.- Djaluna awor, 20 di yanüari, korte lo tuma desishon riba petishon ku lider di partido KEM, Michelangelo “Lo” Martines a hasi pa suspendé su detenshon. Ayera korte a trata e petishon di Martines pa suspendé su detenshon pendiente tratamentu di su kaso. Korte a indiká ku djaluna e lo tuma un desishon. E desishon ta kai hustamente den e siman ku tin entregamentu di lista di partidonan polítiko. E partido di Martines, KEM tambe ta bai entregá lista.
CBCS ta teme cu medidanan contra Venezuela lo afecta Corsou
WILLEMSTAD - Banko Sentral di Kòrsou i St. Maarten (CBCS) ta teme ku medidanan internashonal, prinsipalmente for di Merka, ku lo bai tin kontra Venezuela lo tin impakto riba nos aki na Kòrsou. Asina e miembro di gerensia di CBCS, sr. Chris Rigaud, a trese dilanti ayera na okashon di un mini seminario organisá pa e Asosiashon di Ekonomistanan den Karibe Hulandes. Segun sr. Rigaud den su presentashon saká for di e ‘Outlook’ di e instituto ku bista riba perspektivanan, ta importante pa nos sa kiko ta sosodiendo rondó di nos, tantu na nivel regional komo esun global.
Feco Gomez(AMAK): Arubianonan ta participa atrobe den festival di Tumba di Corsou
ORANJESTAD – Tin varios Arubiano participando e aña aki atrobe den festival di Tumba di Corsou cu ta tuma lugar otro luna. E presidente di Asosacion di Musico y Artista di Korsou (AMAK) Manfred ‘Feco’ Gomez a confirma pa Noticiacla durante e programa Noticiacla LIVE diamars anochi. Ademas e secretario Giovanni Atalita a sigura cu tur Arubiano cu participa, tin mes hopi chens pa gana, mirando cu ta e tumba ta gana, y no tanto e cantante. E cantante por carga corona berdad, pero ta scohe e tumba y no e persona.
Follow NoticiaCla
