KPA: Liliana Rasmijn ta oficialmente prome vocero policial femenino di Aruba!

Posted on 12/11/2024 10:04 am AST | Updated on 12/11/2024 10:08 am AST

MACUARIMA - Altocomisario di Cuerpo Policial Aruba Ramon Arnhem a anunciadiaranson oficialmente cu sra. Liliana Rasmijn ta bira e prome ser femenino cu ta bira Vocero Policial di Cuerpo Policial Aruba. Cuerpo Policial Aruba tin su propio departamento di comunicacion. E ta un departamento cardinal cu e meta pa informa nos comunidad tur locual ta informacion importante di Polis. Tambe ta coordina informacion interno pero tambe publico cu mensahenan preventivo pa asina preveni cu bo lo cay den man di Husticia.

PRE STATUS APARTE

Prome cu Status Aparte e departamento aki tabata dirigi pa G. Nicolaas (q.e.p.d.) despues sigui pa sr. V. Marten(q.e.p.d.) cu a tuma e timon over. Cu e entrada di Status Aparte Sr. V. Marten tabata e prome vocero oficial di Pais Aruba, sigui pa G. Jansen(q.e.p.d.), Pedro “Shon Pe” Krozendijk, C. Bennet, Edwin “Papito”Commencencia y Lito Lacle. Nan tabata e cara importante cu a carga edepartamento durante añanan.

SER FEMENINO

Despues di aña 2014 cu Sr. Lito Lacle como Vocero Policial y sra. Liliana Rasmijn como suplente nan a sa di carga e departamento pa mas cu 10 aña. Bou Sr. Lito Lacle Aruba a mira un cambio y direccion nobo pa e departamento. Awor despues di 10aña Sr. Lito Lacle a sigui desaroya su mes pa un departamento nobo y asina aki a habri e oportunidad pa un Hefe nobo.

CARA NO DESCONOCI

Sra. Liliana Rasmijn no ta cara un desconoci. Ela gana e confiansa di biaha di comunidad y Aruba completo a brase como e vocero suplente. Sra. Liliana Rasmijn a logra haya e funcion nobo aki sin niungun problema ela demonstra su capacidad y ideanan inovativo pa hiba e departamento na un siguiente nivel tanto Nacional y Internacional.

KEN TA LILIANA RASMIJN

Ken ta Liliana?: Liliana ta simpel, humilde y semper cla pa yuda. Semper cu un smile di skina pa skina riba su cara. Liliana ta unico yiu di su mama Dilia Rasmijn y defunto tata Archi Becker. Dilia y Archi a lanta Liliana den un cas humilde cu hopi fe, norma y balornan halto y na unda semper tabata cla brinda yudansa y ta hacie mesora for di curason sin spera nada a cambio

Liliana ta mama soltera di dos yiu homber cu ta Marc Croes 24 aña y Alexander Croes di 21 aña. Semper a lucha pa hiba su yiunan dilanti. Pero bida ta dal buelta y ta pasa den momentonan dificil pero semper a perservera y sigui padilanti. Marc y Alex ta su rason pa lanta tur dia y ta un ehempel pa su yuinan. Semper Liliana a sa di motiva su yiunan y encurashanan pa nan ta semper e mihor version di nan mes. Conhuntamente cu su mama Dilia cu ta e motor importante pa guia su yiu muher stima cu ta Liliana.

CARERA POLICIAL

Liliana a cuminsa su carera policial dia 15 juni 1998. Semper e tabata kier di un manera of otro sirbi su Pais. E la wak e solicitud e tempo ey den corant y a bay haci e testnan y a sa di pasanan cu exito! Di e forma aki Liliana su carera policial a cuminsa. Despues di a termina su estudio policial Liliana a traha na diferente departamento manera; Polis uniforma, reorganisacion, interpol, pa despues traha pa 12 aña den departamento di Inteligencia. A yega momento pa haci un cambio drastico y sigui desaroya su mes. 15 januari 2014 Liliana a bay over na traha den e departamento di comunicación di Polis y a bira e prome vocero suplente femenino di KPA. E la traha hunto cu sr.Lito Lacle cu tabata vocero di KPA y hefe di e departamento diCommunicacion, Informacion y Prevencion. Un trabao full diferente na unda Liliana mester a educa su mes pa loke ta traha communicado, duna charlanan riba diferente nivel, duna informacion na e communidad y poco poco despues di tempo a bira un di e. caranan importante di Cuerpo Policial Aruba. Un trabao cu e la desaroya su mes pa mehora y ta mihor den dje dia pa dia. Su soño ta pa un dia por marca historia y bira e. prome hende muher como vocero di Cuerpo Policial Aruba y na cabes di departamento di communicacion.

DOCUMENTACION

Liliana a haci diferente curso y na 2023 a haya e oportunidad pa sigui estudio di KO ( kader opleiding) . Despues di un estudio pisa y hopi intensivo y\ cumpliendo cu su trabou di tur dia, Liliana a termina esaki cu exito! Cu e diploma aki e la haya e oportunidad di solicita pa e puesto di hefe di departamento di communicacion. Tabata despues cu sr. Lito Lacle a wordo promovi na otrodepartamento di Polis e oportunidad pa Liliana a habri. Altocomisario di Polis Ramon. Arnhem a y ta traha hopi di cerca cu Liliana y a wak e potencial fuerte den Liliana. Despues di a habri solicitud, Liliana a aplica y a logra esaki cu exito! Tabata e momento cu emocionnan a bira halto cu riba e prome dia di 1 december 2024 pa exactamente 12’or di anochi Liliana su soño a bira realidad. Ariba e fecha aki e la tuma e batuta oficial y carga e departamento di comunicacion di Polis pa prome biaha den Historia di Pais Aruba.

ALTO COMISARIO ARNHEM

Altocomisario di Polis Drs. Ramon Arnhem ta sumamente contento y orguyoso di anuncia cu Liliana Rasmijn ta bira e prome hende muher cu ta lidera undepartamento di comunicacion cu ta asina importante pa KPA, pero tambe pacomunidad. “Liliana a sa di gana e curason di e comunidad. Liliana ta un persona hopi inovativo y mi ta gusta su manera con e ta pensa y con e ta cla pa hiba e departamento. na otro nivel. Ela haci esaki caba dia di eleccion y mi a keda impresiona. Grandi y chikito ta mira Liliana como un hende muher Polis cu hopi respet y pa ami e ta un honor pa anuncia esaki” tabata palabranan di altcomisario Arnhem.

KEN TA LILIANA RASMIJN

Ami ta Liliana Rasmijn: Mi quote I can and I will! Mi por y mi lo logra, no tur ora tafacil pa logra bo meta. Bo lo haya obstaculo pero semper cara na laira . Seca bolagrimanan pone un sonrisa riba bo cara y sigi focus pa bo metanan. Bo por mas cu bo mes ta kere. Na cada un hoben cu rato rato sa duda si nan por, keremi bo por . Abo hende muher bo por, nunca give up. Kere den bo mes!. Pero mas cu tur mi ta dedica e esfuerso y e guia aki na mi defunto tata Archi cu mi ta sinti e tey semper cu mi y mi sa e ta super orguyoso dimi cu awe mi a logra mi meta. Mi ta haya su falta pero esaki ta pa bo papi!” Tabata palabranan di Liliana Rasmijn hopi emociona cu awe e ta carga e departamento di comunicacion.

Wardacosta: A haya un ‘yola’ bandona na Dos Playa
ORANJESTAD – Wardacosta diahuebs a raporta cu mas tempran diahuebs mainta, autoridadnan local a tuma nota di un boto cu a drif bin tera. Esaki ta den area di dos playa. Inmediatamente a dirigi patruya nan di Wardacosta y Polis pa asina investiga e caso. A tuma nota cu ta trata di un boto tipo 'yola'. Esaki tabata bashi y no tin niun indicacion cu ta tin persona riba e boto. Esaki debi na e estado di e boto. E boto tabata den mal condicion y tambe ta tin un cantidad di buraco di bala cu a ser probablemente produci dor di un arma di candela. E caso aki no ta conoci pa Wardacosta ni Polis. Actualmente lo inicia un investigacion pa asina por haya mas claridad.
Mas Polis
Lesa Mas
Arhnem: Ta compronde indignacion riba e supuesto uso di marijuana door di cantante Beéle
ORANJESTAD- “Mi ta compronde e indignacion” tabata e palabranan di alto comisario Ramon Arhem diamars mainta den un declaracion pa Noticiacla riba e tema di e supuesto ‘joint’ (marijuana) cu e artista Beéle lo a huma riba stage durante e Flip Flop Festival. Aunke cu polis a clarifica e asunto caba dialuna, e alto comisario a haya ta bon pa trece mas clarificacion diamars riba e tema. Esaki pasobra a keda pregunta y hopi hende rabia, indigna riba e loke cu nan a mira, of den e caso aki, a kere cu nan a mira.
Mas Polis
Lesa Mas
KPA: Beéle no a usa substancia illegal riba tarima durante Flip Flop Festival
ORANJESTAD – E artista colombiano Beéle cu diasabra anochi tabata den concierte durante e Flip Flop Festival, no a usa substancia illegal. Por lo menos, asina un comunicado di cuerpo policial dialuna a sigura. Segun Cuerpo Policial Aruba, nan a tuma nota di diferente post cu ta circulando riba rednan social pa loke ta trata e evento di Flip Flop cu a tuma lugar den Harbour Arena diasabra dia 7 juni.
Mas Polis
Lesa Mas
Durante prome ora di operacion, Zr.Ms Friesland a intercepta 3 mil kilo di droga
ORANJESTAD - Durante e prome ora di operacion di e barco di marina hulandes Zr.Mr. Friesland na parti zuid di islanan ABC, e la intercepta un go-fast y den esey a confisca 3.000 kilo di droga. E avion di patruyahe Dash-8 di Wardakosta Region Karibe riba 29 di Mei a descubri un boto chikito sospechoso den Laman Caribe. Zr. Ms. Friesland a tuma rumbo pa e boto y directamente a lansa dos FRISC-botonan di intercepcion rapido. A sigui cu un persecusion durante cua e contrabandistanan a tira e droganan den laman. Mas cu 100 pakete droga a keda saca for di den laman; un total di 1.837 kilo cocaina y 1.173 kilo di marijuana. E droga cu a confisca a keda entrega na Wardacosta Mericano.
Mas Polis
Lesa Mas
KPA: E di tres morto di trafico ta un colombiano di 23 aña
ORANJESTAD – E di tres victima di trafico pa 2025 pa Aruba, ta un colombiano di 23 aña, Pedro Manuel Ochoa Gutierrez. E vocero di polis Liliana Rasmijn a divulga e nomber despues cu a logra notifica famianan na Aruba. Mas prome, Noticiacla a raporta di e accidente aki caba, cu a tuma lugar mainta tempran 8’or y mei na altura di Grapefield patras di KIA.
Mas Polis
Lesa Mas
Polis a detene doño di supermercado chines, pa a cumpra productonan horta y bende esaki
ORANJESTAD – Polis diaranson a detene propietario di e supermercado chines Cheng Xing na Paradera, pa a cumpra productonan horta den su supermercado. A compronde cu tin chaufeurnan cu ta transporta producto di compania, ta horta esaki despues y bende cu varios supermercado chines na un prijs hopi mas barata. E companianan afecta a bati alarma y despues di investigacion, polis a conduci su prome detencion den e caso aki. Pueblo ta wordo pidi pa ta alerta, riba tipo di casonan asina. Polis ta tuma e casonan aki ta serio y ta investigando si tabata tin Conexion cu otro supermercado.
Mas Polis
Lesa Mas