Polis na Den Haag Hulanda ta sospecha cu explosion tabata dirigí riba un tienda di moda di bruid

DEN HAAG - Polisnan tin indicacion cu e explosion na e compleho di apartamento riba Tarwekamp na Den Haag por a dirigí riba e tienda di moda di bruid na e piso abou. Un vocero a bisa esaki den e programa di TV Opsporing Verzocht. E no a bisa riba kico e pistanan ta basa.

Seis persona a muri den e desaster diasabra mainta.

E polisnan lo kier sa mas tocante e tienda di moda di bruid. “Nos ta hasi un apelacion urgente na kualke hende cu tin mas informacion tocante kico por ta pasando rond di e tienda di bruid of e localidad. Nos kier sa tambe kico a conduci na e explosion aki. Nos ta interesa tambe den e dianan prome cu esaki.”

Polis ta bisa cu nan ta “den contacto cu e persona responsabel pa e compania aki”.