Un biaha mas Zr.Ms. Holland ta interseptá transporte di droga

Un biaha mas Zr.Ms. Holland ta interseptá transporte di droga

Posted on 12/10/2024 9:12 am AST | Updated on 12/10/2024 9:17 am AST

ORANJESTAD - Zr.Ms. Holland un biaha mas a intercepta un transporte grandi di droga den Laman Caribe. 511 kilo di cocaina tabata e cantidad riba 24 di November último, locual cu a keda publica awe.  Na momento di e intercepshon a disparatirunan dirigi riba e motornan di e boto chikito cu droga. Ta e di 7 captura desde yegada di e Barko di Marina den Region Karibense.

E avion marítimo di patruyahe di Wardacosta Region Caribe a mira un boto sospechoso den Laman Caribe. Zr.Ms. Holland mes ora a drenta accion, y a hiba curso direkshon di e boto sospechoso i tambe a manda su botonan di intercepcion rapido tambe den su direccion.

Tripulashon di e botonan FRISC, e skuadron di Flete di Marina i un ekipo marítimo di mantenshon di orden legal di Wardakosta Merikano, a fòrsa e boto ku droga pa stòp. Esaki a logra finalmente ku tirunan dirigí dispará riba e motornan di e boto chikitu aki.  Durante e akshon e kuater kontrabandistanan  sospechoso a tira paketenan ku droga for di e boto den laman. Tur e paketenan a keda saká for di laman i a trese esakinan na bordo di Zr. Ms. Holland. Un total di 511 kilo di kokaina a keda konfiská.

E sospechosonan ademas di e droga a keda entregá na Wardakosta Merikano. E kontrabandistanan ta warda nan persguishon na Estados Unidos. NOTA: Potret ta di archivo di Noticiacla. 

  • Powered by SETAR