Na Corsou, a prolonga detencion di awor ex parlamentario cu 60 dia mas

Posted on 11/27/2024 9:03 am AST | Updated on 11/27/2024 9:04 am AST

WILLEMSTAD.- Ayera e detenshon di eks parlamentario Michelangelo (Lo) Martines a keda prolongá ku 60 dia mas. Ayera Martines a presentá dilanti hues komisario pa wòrdu skuchá riba e “vordering gevangenhouding”, esta demanda di enkarselashon pa 60 dia. Wes komisario a bai di akuerdo ku e demanda i a ordená e enkarselashon di Michelangelo Martines ku 60 dia. A nenga e petishon di defensa pa suspenshon di Martines.

Martines a keda detené dia 5 di novèmber, parse ku ta riba kaya, segun EXTRA a komprondé. Na e momentu ei Ministerio Públiko a informá ku ta mas ku un aña kaba e investigashon kontra Martines ta andando.

E eks miembro di Parlamento ta sospechá di envolvimentu den trafikashon di droga, preparashon den kuadro di transportenan di droga i labamentu di plaka. Ta trata di echonan kometé durante di e periodo 2019, 2020 i 2023. Aktualmente e ta den detenshon preventivo riba e título di prolongashon di kustodia.

Fiskal a entregá un demanda pa enkarselashon na wes komisario, pa kual e sospechoso Martines a presentá dilanti wes komisario dia 15 di novèmber pa wòrdu skuchá riba e demanda.

Dos siman pasá wes komisario a bai di akuerdo i otorgá e òrdu di enkarselashon i e

prolongashon di e enkarselashon ku dos biaha ocho dia. For di dos siman pasa wes komisario a bisa ku e akusashonnan kontra di Martines ta serio i komo tal a prolongá su detenshon meskos ku a hasi ayera tambe ku 60 dia e bia aki.

Hustisia tin un (1) aña largu ta hasi investigashon kontra di Lo Martines ku a kondusí na su detenshon dia 5 di novèmber último. Di akuerdo ku Ministerio Públiko, Martines ta keda detené den kuadro di e investigashon penal ‘BLEDA’. E detenshon ta un resultado importante despues di un investigashon penal, ku a dura mas ku un aña. Investigashonnan di durashon largu asin’aki ta impliká un enfoke penal pa ku delitunan grave ku tin un impakto grandi riba e sentido di seguridat den komunidat. Un dje periodonan sigur ta komo parlamentario.NOTA: Texto ta scirbi den Papiamento fonetico di Corsou.

Gobierno: ‘No por obliga banconan comercial pa habri cuenta pa tur hende’
WILLEMSTAD.- No ta posibel pa obligá bankonan komersial hasi negoshi ku personanan ku no ta kuadra ku nan modelo di negoshi i ku ta trese riesgonan no deseá pa e banko. Asina gobièrnu ta indiká. Tabata parlamentario independiente, Zita Jesus-Leito, ku durante tratamentu di e lei pa gobièrnu garantisá un kuenta bankario básiko pa tur hende a puntra si no por obligá bankonan komersial pa habri nan servisionan pa tur hende.
Mas Corsow
Lesa Mas
Gobierno di Corsou ta studiando posibilidad pa habri un banco nacional
WILLEMSTAD - Gobièrnu ta hasiendo e estudionan i wak e posibilidatnan pa habri un tipo di banko nashonal. E estudio aki ta inkluí e posibilidat ku ta inkluí Giro Settlement Holding (GSH) den e plannan aki. E aspekto importante ku mester tene kuenta kuné ta ku Kòrsou tin diferente banko ku ta ehersé un ròl komunitario manera Korpodeko i Banko di Desaroyo di Antianan Hulandes, OBNA.
Mas Corsow
Lesa Mas
Compania di aviashon na Hulanda ta ninga traslado di comersiante pa Corsou
WILLEMSTAD.- Ayera Corte di promé instansia a bolbe posponé e kaso ku a haña e nòmber ‘lync’ di Marvin T.(41). Ta trata di e komersiante ku a keda sekuestrá dia 10 di yanüari 2024. Despues e kaso a kue un otro buèlta i e komersiante ta keda akusá awor pa forma parti di un organisashon kriminal, trafikashon di kokaina, labamentu di plaka i falsifikashon di dokumento.
Mas Corsow
Lesa Mas
Na Corsou, Parlamento ta gasta mas cu 630 mil florin na biahe
WILLEMSTAD - E gastunan di biahamentu di parlamento a oumentá di mas ku 550 mil florin na aña 2023 te na 630 mil florin te ku luna di òktober di aña 2024. Esaki ta un oumento supstansial den gastu di pasashi i “daggeldvergoeding” ku kada parlamentario ta risibí.
Mas Corsow
Lesa Mas
Banco Central di Corsou ta pronostica ola nobo di migrashon for di Venezuela
CARACAS - Banco Central di Corsou ta pronostica ola nobo di migrashon for di Venezuela. Asina e portal Venezolano el impulso ta bisa. Segun e porta, Gobierno di Corsou tambe a tuma un medida pa tuma enfrente di e potencial di un ola migratorio nobo cu ta bini for di Venezuela, un medida cu ta intensifica sanshonnan interno contra di gobierno di Nicolás Maduro.
Mas Corsow
Lesa Mas
Despues di apenas un aña, Edson Hato ta retira como representante di Vertegenwoordiging van Nederland
WILLEMSTAD – Despues di apenas un aña, sr. E. (Edson) Hato, MBA, a duna di konosé ku e lo sigui ku su karera otro kaminda. Entrante 1 di desèmber 2024, e lo stòp di representá Hulanda na Aruba, Kòrsou i Sint Maarten.
Mas Corsow
Lesa Mas