Boeing 737 a cay na complexo residencial na Lituania

VILNIUS - Un avion di carga Boeing 737 opera pa Swiftair di Spaña a cay banda di un compleho residencial cerca di aeropuerto di Vilnius na Lituania dialuna mainta. E avion a accidenta den un edificio di dos piso net prome cu e baha, cu despues a pega candela.

Un di e pilotonan a wordo libera for di e avion despues di a recobra conciencia. Por lo menos un persona a muri y dos a resulta herida, segun un vocero di e servicio di rescate. E website di notisia Lituano Delfi ta informá cu kcuater persona, dos piloto i dos empleado, tabata abordo di e avion. Segun un bosero di e team di crísis di gobièrno, tur hende den e compleho residencial a sobrebibí e accidente.

Segun un representante di aeropuerto, e avion a bini for di Leipzig. Un cantidad grandi di trahadornan di emergencia ta na e sitio, e representante a bisa e canal di noticia LRT.

E Boeing 737 envolvi tabatin 31 aña bieu.