Hefe di OTAN Mark Rutte ta bishita Donald Trump na Florida

MIAMI - E secretario general di OTAN, Mark Rutte, a bula pa Florida riba un avion di gobierno Hulandes pa un encuentro cu Donald Trump, kende lo asumi su cargo como presidente nobo di Merca na fin di januari. Insidernan ta informa esaki na NOS.

E periodista di aviacion Menno Swart ta scirbi riba X cu e avion di gobierno a baha ayera na aeropuerto di Palm Beach na Florida, no mucho leu di e resort Mar-a-Lago di Trump. Segun Swart, OTAN a paga pa e vuelo. E aliansa militar mes no tin un avion pa e biahenan di e Secretario General y ta usa regularmente un avion di un di e estadonan miembro.

E republicano Trump a gana e eleccionnan Mericano na comienso di e luna aki y lo sucede e democrata Biden na januari. Rutte a bisa anteriormente cu e tabatin algun contakto di mensahe di texto ku Trump despues di e victoria di eleccion. El a bisa cu e tabata ancioso pa e colaboracion y cu e colaboracion a bai hopi bon den e prome cuater añanan cu Trump tabata presidente (Rutte tabata prome minister e tempu ey).

Trump ta hopi krítico di  OTAN (NATO). Den su prome periodo el a deklará ku hopi estado miembro di OTAN tabata gasta mucho tiki na Defensa. E ta skeptiko tambe tocante ayudo militar na gran escala na Ukrania.

Trump ta pretende ku e por caba ku e guera na Ukrania “dentro di 24 ora.”