Bitcoin a alcansa e maximo di tur tempo

Posted on 11/6/2024 9:14 am AST | Updated on 11/6/2024 9:15 am AST

NEW YORK - E criptomoneda mas conoci, Bitcoin, a alcansa un record nobo di mas cu 75.000 dollar. E prijs ya a subi den e ultimo simannan, den e preparacion pa e eleccionnan mericano. Donald Trump su liderazgo den e careda presidencial awor ta pushando Bitcoin mas ariba. Durante e campaña, Trump a priminti cu Bitcoin lo haña un luga grandi si e wordo eligi. Ademas, Trump a introduci su propio proyecto di cripto den cua placa invertí por wordo fia sin cu e banco ta enbolbí. Te awor e tabatin tiki exito. Kamala Harris tambe a expresa su mes un poco mas positivo tokcante e criptomoneda ku e presidente actual Joe Biden. Sinembargo, e ta defende regulacion y proteccion di mericanonan cu ta doño di cripto of ta considerando hasie.

Revista Time ta nombra Donald Trump como Persona di Aña
NEW YORK – Time Magazine a nombra Donald Trump Persona di Aña pa di dos biaha. E revista mericano ta skohe e presidente nobo di Merca despues di un “regreso di proporshonnan histórico”, su influencia riba politica mericano i cambiando e rol di Merka mundialmente.
Mas Internacional
Lesa Mas
Presidente Mericano Biden ta reduci castigo di 1.500 condena
WASHINGTON - Presidente Mericano Biden a reduci of renuncia e sentencianan di alrededor di 1.500 preso Mericano. Esaki ta e indulto di mas grandi di un presidente mericano den un dia.
Mas Internacional
Lesa Mas
Juan Soto ta firma contracto record di 726 miyon dollar cu New York Mets
NEW YORK - E hungador di baseball Juan Soto a firma un contract di record diadomingo anochi. Segun medionan mericano, e lo gana 765 miyon dollar mericano (726 miyon euro) durante un periodo di diessinco aña cu New York Mets. E ta e cos di mas grandi den historia di deporte profecional.
Mas Internacional
Lesa Mas
Rebeldenan ta tuma over poder na Siria, Assad a huy
DAMASCO - E regimen di presidente Sirio Assad a cay. Rebeldenan a captura e ciudad di Homs ayera y no mucho despues tambe e capital Damasco. Assad a huy for di e ciudad den un avion, fuentenan di ehercito a bisa. No ta conoci na unda.
Mas Internacional
Lesa Mas
Gobierno a cay na Francia: Parlamento a baha prome minister cu mocion di desconfiansa
PARIS - Na Francia, e gobièrnu a cai despues di un votashon di desconfiansa contra prome minister Barnier. Manera tabata di spera, oposicion a retira e prome minister pasobra e kier a bypass parlamento riba un proposicion di presupuesto. E pais ta den un crisis politico pa algun tempo caba.
Mas Internacional
Lesa Mas
Namibia tin su prome presidente femenino
WINDHOEK - Netumbo Nandi-Ndaitwah a gana e eleccionnan presidensial na Namibia. E politico di 72 aña a haya 57 porciento di e votonan y asina a logra evita un di dos buelta.
Mas Internacional
Lesa Mas