Aerolineanan Mericano obliga awor pa debolbe bo placa cash pa un buelo cancela automaticamente

NEW YORK - Aerolineanan na Merca awor ta obliga pa duna pasaheronan restitushon cash si nan buelo ta significantemente retrasá of cancela, asta si e persona ei no pidi un restitucion explícitamente.

E Departamento di Transporte ta bisa cu e regla federal final cu ta rekeri pa companianan di aviacion parti restitucion — no voucher — a drenta na vigor dialuna. E cambio grandi ta wordo implementa solamente un luna prome ku inicio di loke probablemente lo ta un temporada di biahe di vakantie grandi.

Secretario di Transporte Pete Buttigieg a haci e anuncio riba X despues ku el a presenta e regla proponé pa prome biaha na april. “Awe, nos regla di restitucion automatico ta drenta na vigor completo,” Buttigieg a post. “Pasaheronan merece di haña nan cen bèk ora un compania di aviacion debe nan—sin dolor di cabez”

E regla nobo ta obliga cu e restitucionnan ta wordo procesa outomaticamente door di un compania di aviacion si e buelo di un pasahero ta “cancela of kambia significantemente, y nan no ta acepta e buelo significantemente kambia, rebooking riba un buelo alternativo, of kompensacion alternativo.”

E Departamentu di Transporte ta bisa cu e companianan di aviacion mester debolbe un pasahero denter di shete dia di trabou si nan a cumpra un pasashi riba un tarheta di credito y denter di 20 dia di calendario si nan a usa un otro forma di pago.

E movemento a enfrenta represaya di e industria di aerolinea. Na juli, Buttigieg a bisa e companianan di aviacion cu nan mester hasi cla na pasaheronan ki ora nan tin derecho riba un restitucion.

Den un declarashon, e lobby di industria Airlines for America a bisa, “nos ta sostene e regla di restitucion automatico y ta contento di akomoda clientenan ku un restitucion ora nan scohe pa no wordo rebooked.”