Mas di binti aña di prison pa ex presidente di Peru

LIMA - Ex presidente Peruano Alejandro Toledo a wordo condena na mas di 20 aña di prison pa tuma soborno di e compania brasileño di construccion Odebrecht.

Toledo di 78 aña tabata presidente di Peru di 2001 pa 2006. Durante su presidensia, nan ta bisa cu el a ricibí $35 miyon for di e compania di construccion a cambio di un contrato grandi. A cambio di e soborno, Odebrecht a haya encargo pa traha un caminda cu ta conecta sur di Peru cu Brazil.

Odebrecht, awor yama Nonovor, a admiti na 2016 di a soborna funcionarionan den varios pais. Companianan Hulandes tambe a wordo sospecha di envolvimento den e caso grandi di corupcion.

E ex mandatario a biba na Merca pa hopi aña. El a wordo deteni eynan na 2019 riba peticion di Peru, despues di cual el a wordo poni bao di aresto domiciliario. Aña pasa Toledo a wordo extradita pa Peru. El a ninga e acusacionnan di labamento di placa.

Prizon pa ex-presidentenan

Toledo no ta e unico ex mandatario den prison. Un prizòn special a wordo construi na e periferia di Lima pa e ex presidentenan. Ex presidente Pedro Castillo tambe ta den detencion despues cu el a purba di disolve parlamento net prome cu e proceso di destitucion contra dje. Esei a conduci na su destitucion y aresto.