BCA: Consumidornan ta premira e situacion financiero local como reto pa nan hogar

ORANJESTAD -  Banco Central di Aruba (BCA) a conclui e Encuesta di Confiansa di Consumidor pa e di segundo trimester di 2024. E encuesta di confiansa di consumidor ta evalua e percepcion economico di e consumidor local.

Consumidornan tabata mas pesimista, mirando cu e Indice di Confiansa di Consumidor a baha cu 0,6 punto di indice te na 93,7 den e di segundo trimester di 2024   .

E Indice di e Situacion Actual a baha cu 0,9 punto di indice, esta di 94,6 te na 93,7 den e di segundo trimester di 2024. Mientrastanto, e Indice di Habito di Consumidor como e Indice di Expectativa a cay te na 93,8 y 94,3, respectivamente, den e di segundo trimester di 2024. Esaki ta indica cu consumidornan ainda ta cauteloso encuanto nan habito di compra y fiansa den e di segundo trimester di 2024. Tambe, prijsnan mas halto den e proximo 6 lunanan ainda ta keda un preocupacion grandi den e di segundo trimester di 2024.  E Indice di Expectativa di Prijs a subi te na 90,2 den e di segundo trimester di 2024  

Respondentenan cu a indica cu nan por cumpra menos cu nan entrada compara cu 6 luna pasa a subi te na 93% den e segundo trimester di 2024. Pa e respondentenan cu a expresa cu nan ta spaar menos, esaki a baha te na 43% den e di segundo trimester di 2024. 

E relato completo di e Encuesta di Confiansa di Consumidor ta disponibel ariba website di BCA www.cbaruba.org