Piloto a muri durante buelo, aterisahe di emergensia na New York

NEW YORK - Un avion di Turkish Airlines a haci un aterisahe di emergencia na un aeropuerto di New York despues cu e piloto a fayece. E capitan di 59 aña a bira malo diripiente durante e vuelo despues cu e avion a lanta vuelo for di Seattle y tabata na caminda pa Istanbul.

E tripulacion a purba reanim’e, pero esey a resulta envano. E co-piloto y un otro piloto a dicidi di haci un aterisahe di emergencia y a logra baha e avion di pasahero safe. E pasaheronan por a sigui nan biahe riba un otro avion.

Segun medionan Turco, Ilcehin Pehlivan a traha na Turkish Airlines desde 2007. Na mart ultimo, e piloto a ricibí un contrul di rutina, pero no a revela ningun problema di salud.

Tin un discusion continuo denter di aviashon tocante si un buelo por wordo maneha cu un piloto en bes di dos. Fabricantenan di avion ta kere cu esaki lo ta posibel den algun aña. Esaki lo spar sen di e companianan di aviacion.