Israel ta recorda un aña cu Hamas a cuminsa e guera cu e pais hudiu

TEL AVIV - Ta exactamente un aña pasa cu Israel a wordo afecta sin precedente duro pa e atake terorista na gran escala di Hamas. E teroristanan a logra penetra den e defensanan di e ehercito Israeli, matando 1.200 persona y tumando 251 como rehen Medio Oriente a cambia irevocabelmente desde e tempo ey, pero na Israel tempo a para keto pa un aña.

Tin varios conmemorashon den e pais awe. Na Tel Aviv tin un ceremonia organiza pa famianan di e rehennan. Otro a wordo inicia pa gobierno; cu lo worde graba y transmiti na television mas laat den dia, cu un discurso di premier Netanyahu. E víctimanan tambe ta wordo conmemora den e kibbutzim caminda e masacrenan a tuma luga dia 7 di oktober 2023.

Mientras cu hopi wowo pafo di Israel awor ta enfoca riba e hopi victimanan civil na Gaza, Cisjordania y Libanon, e herida cu 7 di october aña pasa a laga na Israel ta leu di ta cera. E consecuensianan di e atakenan ta notabel ainda tur caminda den e pais.