- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Arends: A traha plan pa enfrenta e Desafio di Dubbele Vergrijzing
ORANJESTAD - October ta luna di Adulto Mayor, un luna dedica pa honra nos adultonan mayor y pone enfoke riba e reto y necesidadnan cu nan ta encontra. Minister di Asuntonan di Adulto Mayor ta elabora ariba e bienestarnan di nos adultonan mayor, mirando e crecemento continuo di e populacion di 60 aña y mas, y tambe e fenomeno di "dubbel vergrijzing" cu ta un aumento di persona cu ta pasa di 80 aña.
Un embehecimento comun ta ora cu bo comunidad ta haya mas hende ariba di 65 aña compara cu e cantidad di baby cu ta nace pa aña. Un dubbele vergrijzing ta ora cu den e grupo di 65+ aki, e number di hende cu 80 aña bai ariba, tambe ta crece.
Durante e evento ‘Dia Internacional di Hende Grandi’ cual ta marca e luna di Adulto Mayor, Minister Arends a trece atencion na e prioridad cu nos mester duna na e cuido di nos grandinan. Aruba ta enfrenta cu un reto relaciona cu e necesidad di cuido, cu ta cada bes mas halto y caro. Minister di Asuntonan di Adulto Mayor a desaroya un plan integral pa combati e problematica di nos cuido di adulto mayor.
A traha cu expertonan di Aruba como tambe di afor pa por desaroya un plan integral pa combati e problematica di nos cuido. E maneho ‘Deltaplan’ ta basa riba e concepto cu cuanto mas tempo un persona por keda biba den su propio ambiente, manera su cas of cu su famia cerca, tanto miho lo su salud ta pa un periodo mas largo. Un di e meta mas importante cu e maneho ta persigui ta e desaroyo di un "zorgzwartepakket", unda ta investiga y dividi e tipo di cuido segun intensidad y costo pa por evalua con por atende e poblacion cu ta embeheciendo.
E segundo punto central di e plan ta enfoca riba mehoracion di cuido den e adulto mayor su mes un cas. Ta importante pa nos grandinan keda den nan entorno propio. Pa haci esaki posibel nos mester educa y prepara famia pa nan por duna apoyo na e adulto mayor. Adicionalmente por fortifica red socialnan pa yuda cu salud fisico y mental. Tambe a lansa e proyecto PASADIA cu ta duna e adultonan mayor un espacio pa participa den actividadnan di recreacion y socialisacion, manera terapia di musica, weganan di mesa y combersa cu demas miembro. Tres ubicacion di Pasadia ta habri actualmente, den colaboracion cu organisacionnan manera Wit Gele Kruis, FCCA, SABA, Buurtzorg, Cas Marie, YMCA y Rode Kruis.
Den e contexto di luna di Adulto Mayor, minister a pone atencion cu e esfuerso aki ta mustra cu nos grandinan ta merece nos atencion, amor y respet. "Nos no por lubida cu e adultonan mayor a construi e pais cu nos ta gosa awe. Aki nos ta mustra nos gratitud y ta duna bek na nan," minister a conclui.
Cu e plan integral aki y e diferente proyecto y colaboracionnan, Aruba ta duna un paso crucial pa atende e necesidadnan creciente di nos adultonan mayor y yuda nan mantene nan dignidad y bienestar.
Eman no a logra convence partido ‘ainda’ pa Rene Herde reemplasa de Meza
ORANJESTAD – A surgi un situacion na ultimo ora diamars merdia, cu a pone cu prome minister Mike Eman mester a cancela su cita cu gobernador Boekhoudt, unda cu e lo a presenta candidato Rene Herde como minister pa reemplasa Mike de Meza temporalmente. E cita tabata poni pa 2’or, pero noticiacla a compronde cu e la ‘zeg af’, y a compronde cu esaki tabata cu no a logra convence tur hende den partido ainda di e cambio. RENE HERDE
Cuenta Anual 2022 di Pais Aruba a keda entrega na Algemene Rekenkamer
ORANJESTAD – Despues cu na luna di juni 2025 Minister di Finansa, Asunto Economico y Sector Primario Mr. Geoffrey Wever a entrega e Cuenta Anual 2021 di Pais Aruba na Algemene Rekenkamer, dialuna 7 di juli Minister Wever ta entrega e Cuenta Anual 2022 na Algemene Rekenkamer. Esaki den cuadro di transparencia di e proceso legislativo pa responsabilisa entrada y gasto di Pais Aruba.
Gabinete AVP-Futuro: 100 Dia di liderazgo hunto, compromiso y progreso
ORANJESTAD – Dialuna gabinete AVP-FUTURO a presenta nan lista di logro pa loke ta e prome 100 dianan den gobierno. Esaki a tuma lugar den Fort Zoutman. Prome minister Mike Eman, a splica e.o cu Gabinete AVP-Futuro a forma a base di un coalicion fuerte y visionario: Premier mr. Mike Eman, Vicepremier mr. Gerlien Croes, Minister di Salubridad drs. Mervin Wyatt-Ras, Minister di Turismo mr. Wendrick Cicilia, Minister di Economia y Finansa mr. Geoffrey Wever, y Minister di Husticia mr. drs. Arthur Dowers tabata presente, hunto cu e 12 parlamentarionan di coalisicion.
Gobierno ta anuncia aumento pa e.o. subsidio escolar
ORANJESTAD - Pa e aña escolar nobo, e subsidio escolar, contribucion di mayornan y apoyo financiero pa mayornan cu ta den bijstand lo conoce aumento. Asina gobierno a anuncia dialuna durante nan presentacion di e prome 100 dia di gobernacion. Pa loke ta e aumentonan, esaki ta yuda pa crea igualdad di oportunidad, derecho pa educacion y derecho pa un futuro cu miho perspectiva pa tur mucha, sin cu nan situacion socioeconomico ta obstaculisa nan. Mas informacion, gobierno no a presenta riba e tema.
Eman: Rijkswet pa supervision financiero mester por haya contenido mas faborabel
ORANJESTAD - Prome Minister Mike Eman ta di opinion cu e Rijkswet pa supervision financiero, cu ta den discusion aworaki, por haña un contenido mas faborabel y cu den e cuadro ey, su pensamento ta alinea no solamente riba e Rijkswet, pero tambe riba un cantidad di otro cooperacion strategico. Segun e mandatario, por pensa riba e aspecto socio-economico, calidad di bida di nos pueblo, y necesidad di inversion serio den scol, bario, centro di cuidad, nos grandinan y hendenan cu menos recurso. Den e contexto amplio aki, e ta insisti cu mester trata e tema di Rijkswet den su totalidad den e siguiente reunion.
Cicilia: Ta sostene e conexion europeo cu vuelo adicional pa winter cu KLM
ORANJESTAD - Ministerio di Turismo den colaboracion cu Aruba Airport Authority N.V. (AAA), Bonaire International Airport (BIA) y Aruba Tourism Authority (ATA) aanuncia e ampliacion di e schedule di vuelo di winter di KLM Royal Dutch Airlines. Como resultado di un cooperacion regional fuerte y planificacion strategico, KLM lo introduci dos vuelo semanal adicional entre Amsterdam-Aruba, operando via Boneiro for di 15 di december 2025 te cu 27 di maart 2026.
Follow NoticiaCla
