- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Plan di Mayor Aruba: E demanda pa mediacion ta creciente!
ORANJESTAD - Manera ta conoci Ley di Plan di Mayor: (LV Voortgezet Ouderschap en Zorgvuldige Scheidingen) a bay na vigor dia 1 di maart 2024. E Ley aki ta basa riba e derecho cu un mucha tin pa wordo cria door di ambos di su mayornan apesar di un separacion. Mayornan cu divorcia/separa tin e obligacion di traha un Plan di Mayor caminda nan mester stipula con nan ta bay comparti e responsabilidadnan pa cu nan yiunan. Tambe e ley ta pone enfasis riba articulo 12 di tratado internacional di derechonan di mucha, cual ta cu e mucha mester tin un bos den asuntonan cu ta regard’e.
Den cuadro di esaki Gobierno a habri Loket Plan di Mayor na MfA St Cruz, caminda mayornan y nan yiunan por haña guia y ayudo pa yega na un bon plan di mayor, plan di mucha y/of plan di hoben. Desde cu nos oficina a habri na maart di 2024, Plan di Mayor a conoce 72 casus y tur dia tin mas mayornan cu ta bin busca yudansa.
Mayornan cu ta atravesando un divorcio of separacion por acudi na Loket Plan di Mayor pa un intervencion gratis. Tin 13 familie mediators, 18 Ouderschap Blijft bemiddelaars y 38 KIES coach alinea cu Plan di Mayor pa ofrece e mayornan y e yiunan e guia necesario.
Nos tur sa cu nos hobennan por experiencia hopi stress durante e tempo dificil di separacion di nan mayornan. Na Plan di Mayor nos ta yuda e mayornan cu:
1. Promove un bon estado di animo di e hoben.
2. Promove un bon funcionamento na scol pa e hoben.
3. Promove actividadnan sano pa e hoben.
4. Promove e lazonan entre e hoben y nan mayornan.
5. Guia e mayornan den planifica e gastonan comparti pa cu e yiunan.
Nos ta haci esaki por medio di mediacion familiar y giua den diseña un bon Plan di Mayor cu atencion pa tur loke ta necesario pa promove un niñez sano pa e yiunan.
E prome stap ta pa yena un formulario di inscripcion riba nos webside cu ta www.plandimayor.org, una vez cu ambos mayor yena esaki, Plan di Mayor ta invita nan pa un intake y lo recomenda cual intervencion ta pas pa nan situacion.
Plan di Mayor ta situa na MfA St Cruz y tin un WhatsappLine 5696871
Plan di Mayor mobile phones: 5941545/5941533
ANALISIS: 40 aña despues: Status Aparte ainda ta un campo di bataya politico
VIDEO: Hoogervorst (CAFT): Mester cobra contratista pa mal trabou haci di expansion di hospital
ORANJESTAD – Si hospital mes no hacie, gobierno mester persigui e contratista responsabel pa e Proyecto di renobacion y expansion di Horacio Oduber Hospital. Asina president di e colegio di supervision financiero CAFt drs Hans Hoogervorst a bisa den e programa Noticiacla LIVE diahuebs anochi. E presidente di e colegio financiero, no tabatin bon palabra pa e trabounan haci y e no a sconde esaki den e programa. Pa wak e segmento, click AKI
Presidente di CAFT ta invitado den programa Noticiacla LIVE awe nochi
ORANJESTAD – Presidente di Colegio di Supervision financiero di Aruba (CAFt), drs Hans Hoogervorst lo ta invitado di e progama noticioso Noticiacla LIVE awe nochi, diahuebs 5 di maart 2026. Temanan interesante cu e moderador Tito Laclé lo trata, ta entre otro e preocupacion di CAFt riba maneho di gobierno di companianan gubernamental, problema na hospital, y sigur e ley di Reino RHOFA. Bo no kier perde e programa aki awe nochi cu ta cuminsa 8:30pm riba e pagina di Facebook di Noticiacla y despues riba e pagina di youtube di Noticiacla.
SETAR ta aporta na e Festival un Canto pa Aruba su Himno y Bandera 2026
DVG: Sushi deposita na damnan ta menasa pa salud publico
Directie Natuur en Milieu ta conmemora Dia Mundial di Bida di Bestia y Mata Salvahe 2026
ORANJESTAD - Aruba y mundo ta celebra Dia Mundial di bida di bestia y mata salvahe y na Ingles yama "World Wildlife Day" (WWD). E aña aki, Nacionnan Uni a dedica e dia aki na e rol fundamental cu mata medicinal y aromatico tin den nos bida diario, bou di e tema: “Mata Medicinal y Aromatico: ta yuda conserva salud, herencia y sobrevivencia”. Desde cu Asamblea General di Nacionnan Uni a proclama e fecha aki na 2013, 3 di maart a bira un evento anual di mas grandi dedica na bida salvahe di mata y bestia. E fecha ta recorda e firmamento di e convenio di CITES (Convention on International Trade in Endangered Species of Wild Fauna and Flora), di cual Aruba tambe ta forma parti di esaki, cu e meta pa percura cu comercio internacional di especie salvahe no ta forma un menasa pa nan sobrevivencia.
Follow NoticiaCla
