Welga di haf grandi na Merca a cuminsa!
MIAMI - E sector di barco tin algun tempo ta tene cuenta cu esaki, pero awor e ta sosode di berdad. Entrante awe, personal di haf banda di costa oost di Merca i den Golfo di Mexico lo stop di traha. E ta un welga cu ta enbolbí decenas di miles di empleado i cu por tin un impacto signifikante riba e comersio mundial di barko.
E welga a ser anuncia pa e Asociacion Internacional di Longshoremen (ILA), un sindicato cu ta representa 47.000 trahador. E discusionnan entre e sindicato y e companianan di barco tocante e contrato laboral nobo a para keto na juni. Desde e tempo ey, no tabatin muchu combersacion entre e dos bandanan, pues ILA a sigui cu e welga. Ta prome biaha desde 1977 cu e sindicato ta bay den welga.
INFLACION
Sindicato portuario ta exigi un aumento gradual di salario di 77 porciento. Den terminonan concreto, e aumento aki ta nifica cu e tarifa pa ora di trahadornan lo aumenta cu cinco dollar tur aña pa seis aña largo. ILA kier esaki pa motibo di inflacion cresiente. Aliansa Maritimo di Merca, e asosiacion di dunadonan di traboo, ta prepara pa gradualmente aumenta salarionan cu 40 porshento.
Lo ta interesante pa wak con largo e wafnan lo keda cera. “Si e welga dura un siman, e impacto lo ta limita pa resto di mundo, pero si e dura mas sigur lo tin un impacto”, Rico Luman, economista di ING ta spera.
Paisnan di UE ta bai di acuerdo pa cobra impuesto halto riba autonan electrico Chines
BRUSELAS - Ta birando mas caruo pa bende autonan electrico Chines den Union Oropeo. Paisnan di UE a duna lus berde pa introducí invoerrechten riba autonan electrico for di China pa proteha nan propio industria.
Caso di asesinato di rumannan Menendez for di Merca por wordo trata di nobo
LOS ANGELES - Un di e casonan di asesinato mas controversial na Merca por wordo treci dilanti di corte atrobe. Fiscal principal na Los Angeles a anuncia cu e lo revisa e caso sensacional di asesinato di Menendez, cu a wordo treci bek den spotlight pa un serie di Netflix.
Debate entre candidatonan Vance y Walz a mustra cu Vance tabatin miho experiencia
NEW YORK - Exactamente cinco siman prome cu e eleccionnan presidencial na Merca, ayera nochi e spotlight tabata riba e candidatonan pa vice presidente. Republikano J.D. Vance y Democrata Tim Walz a debate pa casi dos ora na CBS News. Esei tabata riba hopi punto mas substansial cu esun entre nan hefenan Donald Trump y Kamala Harris, aunke ambos debatido a pasa hopi tempo ta critica e candidato presidencial di otro.
Netanyahu ta priminti vengansa despues di atake di misil Irani
TEL AVIV - Prome minister Israeli Netanyahu a anuncia represaya pa e atakenan di misil di Iran ayera nochi riba su pais. “Iran a comete un eror grandi y lo paga p’e,” el a bisa despues di a reuní cu e gabinete di seguridad.
Ex premier Mark Rutte instala oficialmente como hefe nobo di OTAN
BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.
Ex presidente Mericano Jimmy Carter ta cumpli 100 aña awe y kier vota pa Kamala Harris
ATLANTA - Su di 100 cumpleaños awe no ta e logro cu Jimmy Carter tabata ansioso pa wak. Aunke ningun otro ex presidente Mericano a yega di yega e edad ey, Carter kier dura un poco mas: e ta spera di por deposita su voto pa su compañero miembro di partido Kamala Harris den su importante estado swing di Georgia.
Follow NoticiaCla
