Tweede Kamer ta vota contra deseo di minister riba edad minimo pa core fatbikes

DEN HAAG - Un mayoria grandi den Tweede Kamer na Hulanda a caba di vota na fabor di un edad minimo di 14 aña y un exigencia di helm pa fat bikes. Y esei ta conflicto cu e deseonan di e minister responsabel Barry Madlener, kende ta declara cu un distincion legal entre baiskelnan gordo y otro baiskelnan electrico no por wanta. Ainda no ta cla si e minister lo cumpli cu e deseonan di Tweede Kamer. Un gran mayoria di Tweede Kamer a sostene e mocion di VVD y NSC, incluyendo e propio partido di Madlener, esta PVV.

Madlener anteriormente a responde na e proposicion ey den Tweede Kamer. E ta señala cu esaki no ta wanta legalmente, y e ta propone pa introduci reglanan pa tur bicicleta electrico. Tweede Kamer no a acepta e ‘man extendi’ aki.