- Le Lanchon: Gaia House of Grill ta Aruba su ‘upscale’ restaurant mas nobo di Aruba
- Prijs di gasoline ta habri aña cu un reduccion considerabel diaranson
- Cantante Julio Iglesias (82) acusa di violacion y explotacion di empleadonan hoben
- Tres shen studiante caribeño lo ricibi guiamento adicional pa nan estudio na Hulanda
- Rey Willem-Alexander: ‘Hulanda y Corsou lo yega leu na Mundial’
Aeropuerto di Aruba a maneha mas di 1200 buelo den juli 2024
ORANJESTAD - Aeropuerto di Aruba a conoce un crecemento fuerte na juli 2024 manehando mas cu 1.200 buelo y sirbiendo mas cu 147.600 pasahero cu ta genera entrada, marcando un aumento di 15% compará cu 2023. Asina e portal routesonline.com ta raporta. Capacidad di asiento pa e isla tambe a expande cu 16% durante e periodo aki.
Cu exepcion di e mercado Europeo, tur otro mercado a mustra cresemento na juli. E mercado di Merca a mira un aumento di 14% den pasaheronan cu ta genera entrada y un cresemento di 17% den capasidad di asiento. E mercado Latino Americano & Caribense a demostra un crecemento significativo, cu un aumento di 28% den pasaheronan cu ta genera entrada y un aumento di 35% den capacidad di asiento. Di mes manera, e mercado Canades a experencia un aumento di 31% den pasaheronan cu ta genera entrada y un aumento di 32% den capasidad di asiento.
Entre e aerolineanan, JetBlue a surgi como e compania di aviacion lider na Aeropuerto di Aruba, teniendo e quota di mercado mas grandi di pasaheronan cu ta genera entrada na 24%, un aumento di 1.8 punto. American Airlines a sigui cu un quota di mercado di 18.7%, creciendo cu 2.0 punto, mientras cu United Airlines tabatin un quota di 12.7%, reflehando un aumento di 1.5 punto.
Pa loke ta trata stadnan di porta, New York a destaca como e contribuidor di mas grandi na capasidad di asiento. E tres aeropuertonan grandi di New York—JFK, EWR, i LGA—colectivamente a conta pa 24% di e capasidad di asiento, sigui pa Miami y Boston na 8% kada un.
MIRANDO PA DILANTI
Ta anticipa cu e trayectoria subiente aki lo sigui, cu e region di Noord America proyecta pa alcansa 1.3 miyon asiento pa fin di 2024, reflehando un cresemento fuerte aña tras aña di 18%. E region di Latino América tambe ta pronostica pa experencia un cresemento impresionante, cu un aumento di 43% pa fin di 2024, alkcansando mas cu 309.500 asiento. Mehora e conectividad mas ainda, LATAM Airlines lo aumenta su frecuencia di buelo pa Lima, Peru (LIM), di 4 pa 5 buelo semanal cuminsando na november 2024. Adicionalmente, GOL Airlines lo lansa buelonan directo pa Aruba for di São Paulo, Brazil (GRU) na december 2024.
Le Lanchon: Gaia House of Grill ta Aruba su ‘upscale’ restaurant mas nobo di Aruba
ORANJESTAD – Aruba su restaurant mas nobo, Gaia House of Grill mester bira un di Aruba su restaurantnan ‘upscale’, segun e gerente general di e hotel JOIA Aruba by Iberostar, na unda cu e restaurant ta situa. Esaki ta e ultimo parti di e hotel cu tabata falta, desde su apertura un aña pasa, completando e operacion. Awor e hotel completo ta operacional cu e restaurant aki. Por wak e entrevista AKI.
Prijs di gasoline ta habri aña cu un reduccion considerabel diaranson
ORANJESTAD - Aña 2026 ta habri cu un reduccion considerabel den prijs di productonan petrolero. Diamars, minister di Finansa, Asunto Economico y Sector Primario a anuncia e prijsnan nobo di benta di combustibel entrante 14 di januari 2026:
Aruba Tourism Authority Sui Generis ta celebra 15 aña
ORANJESTAD - Aruba Tourism Authority Sui Generis ta celebra 15 aña. Con ta midi diescinco aña di un entidad nobo cu a nace pa promove desaroyo, innovacion y crecemento di nos economia a traves di nos unico pilar, turismo. Di aña 2011 pa awo, “Tourism Receipts” a aumenta cu 94%, yegada di bishitante a aumenta cu 43%, “RevPAR” a crece cu 82%, mientras cu yegada di turismo crucero a crece cu 36%. E cifranan aki ta subraya e exito y desaroyo sostenibel di e sector turistico di Aruba, desde cu a funda Aruba Tourism Authority Sui Generis.
Aerolíneas Argentinas ta lansa servicio directo nobo entre Argentina y Aruba
ORANJESTAD - Aerolíneas Argentinas ta lansa servicio directo nobo entre Argentina y Aruba. E vuelo inaugural a sali for di Aeropuerto Internacional Ezeiza (EZE) cu tur 170 asiento completamente ocupa, reflehando e demanda fuerte di mercado y un contesta sumamente positivo di parti di e biaheronan Argentino. Pa celebra formalmente e momento, tabatin un ceremonia inaugural cu a tuma luga riba dia 8 di januari, na Aeropuerto di Aruba, treciendo hunto e stakeholdernan clave di gobierno, aviacion y turismo. E celebracion a conclui cu un ceremonia tradicional di cortamento di cinta y cortamento di bolo, oficialmente yamando bonbini na Aerolíneas Argentinas na Aruba.
DIMP: Ultimo dia pa paga impuesto di vehiculo di motor ta 2 di februari 2026
ORANJESTAD – E ultimo dia pa paga impuesto di vehiculo di motor di aña 2026 ta 2 di februari 2026. Normalmente e fecha final ta 31 di januari, pero debi cu e aña aki e fecha aki ta cay riba diasabra, e fecha final ta bira dia 2 di februari 2026. Aki ta sigui mas informacion.
DIMP: Pensionadonan ta paga menos na prima di AZV awor
ORANJESTAD – Departamento di Impuesto a informa tur pensionado y nan doño di trabou, cu entrante 1 di januari 2026 e prima di AZV ta wordo reduci pa e pensionadonan cu tin e edad di 65 aña of mas.Durante aña 2025, e pensionadonan tawata paga 5% riba e prome Afl. 30.000 di entrada of salario (di un empleo den pasado). Si e entrada of salario aki surpasa Afl. 30.000 pa aña, e pensionado ta paga 10,5% na prima di AZV riba e suma restante. Awor entrante 1 di januari 2026, e porcentahe riba e prome Afl. 30.000 di entrada ta 0%. Pues un reduccion di 5%.
Follow NoticiaCla
