- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Women’s Club of Aruba ta celebra su di 90 aniversario
ORANJESTAD - E aña aki, Women’s Club of Aruba (WCA) cu orguyo ta celebra su di 90 aniversario – un logro increibel cu ta papia di decadanan di dedicacion, resistencia, y un compromiso continuo pa sirbi nos comunidad. Funda riba 17 di september 1934, WCA a crece bira un organisacion di vital importancia, trahando incansablemente pa haci e diferencia door di boluntarismo y traha na interes di Aruba.
Durante e ultimo 90 añanan, WCA tabata envolvi den e necesidadnan cambiante di sociedad
manteniendo su mision principal mehorando bida di individuo- y famianan. Door di organisa programanan di extension, apoyando educacion, atendiendo problemanan social urgente,
WCA tabata un faro di speransa y progreso.
E echo memorabel aki no ta djis un momento pa reflexiona, pero un recordatorio poderoso di locual por logra, si nos traha hunto cu pasion y obhetivo. E ta un celebracion di miembronan incontabel, di pasado y presente, kende nan contribuicion a haci di WCA e pilar di confiansa cu e ta awe. Nan trabou duro y dedicacion a touch (tochi) masha hopi bida y ta continua na inspira futuro generacionnan.
Cu mira padilanti, e aniversario aki ta sirbi como un yamada pa accion. E ta duna nos curashi pa bolbe compromete nos mes na e balornan cu a guia WCA pa casi un siglo y sigui sirbi nos comunidad cu un dedicacion ainda mas grandi. Cu desafionan nobo nos dilanti, nos ta motiva pa innova, adapta, y dirigi cu e mesun spirito cu a defini nos pa e ultimo 90 añanan.
Hunto, nos ta celebra e logro remarcabel aki y sigui padilanti cu e legado di WCA, sigurando cu e siguiente 90 añanan ta mesun impactante cu esunnan cu a pasa. Nos ta spera di sigui cu nos biahe, empoderando nos comunidad, y haciendo diferencia duradero pa e generacionnan cu ta bin.
Di 7 edicion di Long Table Aruba a produci 100 mil dollar pa Stichting Hunto
ORANJESTAD– E di shete edicion di Long Table Aruba, un evento culinario caricativo presenta pa Wind Creek Aruba a surpasa un biaha mas tur expectativa y a finalisa cu un gran sorpresa, marcando un otro momento importante den impacto pa nos comunidad y donashon pa Aruba. Un cena completamente na blanco pa 1000 persona balora na $60.000.
Fecha pa e di dos Ride for the Roses a bira conoci!
ORANJESTAD — Stichting One Happy Bike Island y Koningin Wilhelmina Fonds cu gran orguyo ta anuncia nan di dos edicion anual di Ride For The Roses Aruba, dia 30 di November 2025 pa 7or di mainta. E evento inspirador aki ta un dia di union, movemento y speransa, caminda henter famia ta bin move pa salud y prevencion di Cancer pero tambe pa mustra apoyo na pashentnan cu Cancer na Aruba.
Botica di Servicio ta Conoce Su Prome “Streya di Botica”
ORANJESTAD - Botica di Servicio ta orguyoso di por anuncia su prome Streya di Botica, Lilienne Figaroa.
Sherilane Dirksz-Croes ta haci 10 aña den servicio na Botica di Servicio
ORANJESTAD - Durante e ultimo añanan, Botica di Servicio a haya e privilegio di por a celebra diferente coleganan y e luna aki por a celebra un otro aniversario importante, esta di Sherilane Dirksz- Croes.
Filomena College MAVO cu 83% di graduado
SAN NICOLAS - Diahuebs atardi 4:30 Filomena College MAVO na San Nicolas a anuncia e cantidad di graduado pa aña 2025. Cu 83% den prome tanda, Filomena College MAVO ta satisfecho y ta desea tur esnan cu tin cu bay pa tanda 2, hopi exito. Tawatin 69 candidato. Danki special ta bay na cada mayor, studiante y e team completo di e scol pa e esfuerzo y confiansa pa hopi aña caba. Danki Rex Aruba pa e cobertura y tur potret.
Emigra di Colombia, Angel Robles ta e miho graduado di Filomena College MAVO
SAN NICOLAS - Ocupando e puesto nr. un entre e 83% di e graduadonan na Filomena College MAVO na San Nicolas, Angel Robles Henao, naci y emigra for di Colombia, a sobresali den 2025. Cu un lista unico pa graduadonan, Angel ta finalisa su añanan na MAVO cu un tremendo lista. Angel tin e asina yama exacte lijst y su cifranan ta lo siguiente: Nederlands 8, Engels 9, Spaans 10, Wiskunde 10, Biologie 8, Scheikunde 9 y Natuurkunde 9. Tawata directorado di Filomena College MAVO representa pa director Raquel Lampe y director adhunto Joraine Oduber cu a haci e anuncio entregando Angel un obsekio como aprecio y felicitacion. E potretnan ta di Rex Aruba.
Follow NoticiaCla
