Ban Uni pa Diabetes: Registra pa e di 7 Edicion di Diabetes Run & Walk
ORANJESTAD - Botica di Servicio, conhuntamente cu CMB, Healthy Lifestyle Center Aruba y Subway, ta uni e aña aki pa organiza e di 7 edicion di Diabetes Run & Walk 2024 cu lo tuma lugar riba diadomingo, 10 di november 2024.
Den preparacion pa esaki, lo tin un Early Bird Event riba diabierna, 27 di september na Botica Eagle entre 5pm y 8pm. Durante e atardi aki, participantenan por pasa pa registra, haci pago y hiba nan dri-fit shirt!
Y eno ta para eynan – tur participante cu haci nan pago completo prome cu 27 di september y participa den e careda riba 10 di november, lo participa pa gana un weekend stay na Hilton Aruba Caribbean Resort & Casino.
Manera cada aña, e evento aki ta wordo organiza pa recauda fondo pa iniciativanan cu ta promove e prevencion di diabetes y tambe siña personanan cu diabetes con pa maneha e malesa aki di miho forma. No solamente esaki, pero tambe pa curasha y conscientisa e pueblo di Aruba tocante diabetes tipo 1 y tipo 2 en cuanto con esaki ta wordo maneha y preveni.
Diabetes ta sigui ta un problema serio riba nos pais, di cual e porcentahe di personan cu diabetes ta casi dobel e porcentahe di e populacion mundial. Mitad di pashentnan cu diabetes no ta ni na altura cu nan tin e malesa y no ta ricibi e atencion medico cu nan mester. Durante varios añanan, Botica di Servicio, hunto cu otro instancianan, a uni man pa trece conscientisacion di diabetes riba e isla di Aruba.
E Diabetes Run & Walk lo enfoca riba Jump18 pa di 2 aña consecutivo. Jump18 ta wordo maneha bou di Dr. Jamiu Busari, hunto cu su team di profesionalnan, kende ta brinda un programa pa muchanan como un iniciativa practico pa capacita e muchanan y nan mayornan pa mehora nan salud y bienestar.
Jump18 su obhetivo ta pa yuda tanto muchanan como na mayornan pa biba un bida mas saludabel, (re)educando y desafiando nan creencianan limitante pa medio di workshops y trece miho calidad di bida na tanto e muchanan como henter famia.
Aruba Open Beach Tennis Championships ta introduci cobransa na entrada pa 2024
ORANJESTAD – Aruba Open Beach Tennis Championships, un di e eventonan mas iconico den e ITF Beach Tennis World Tour, ta bolbe na Bushiri Beach for di 10 pa 17 di november 2024. Pa prome biaha den su historia, e evento di ocho dia lo rekeri un entrada nominal, marcando un cambio significante den e manera cu e ta ser presenta na comunidad y invitadonan internacional.
Federacion di Ahedres di Aruba a participa na e 45th Chess Olympiad na Budapest, Hungria
ORANJESTAD - Manera ta conoci Federacion di Ahedres di Aruba a participa na e 45th Chess olympiad na Budapest, Hungary. Aruba women team lidera pa Annelaine Jacobs y Lourdes Moreno, como esnan di mas experiencia, conhuntamente cu talentonan hoben Thamara Sagastegui, Samantha Aponte y Sylvi Cabral, nan a logra 9 match points y 13.5 board points pa asina posiciona Aruba na lugar 132.
Delegacion di ahedres di Aruba ta competiendo na Olimpiada Mundial di Ahedres na Hungria
BUDAPEST - Dia 9 di september 2024 delegacion di Ahedres di Aruba a sali pa Budapest Hungría pa competi na e di 45 Olympiada mundial di ahedres.
Ainda sin Messi, campeon mundial Argentina y Brasil tambe ta sigui perde
BOGOTA – E seleccion di futbol di Argentina a perde pa di dos biaha diamars anochi den e torneo di clasifikashon pa Mundial 2026. Na Colombia, e ekipo, sin e leciona Lionel Messi, a perde 2-1. E derrota, cu ta sigui diesdos victoria consecutivo, tin poco consecuencia.
SV Britannia a titula campeon di copa ABC na Boneiro
ORANJESTAD – Recientemente Minister di Deporte Endy Croes a ricibi ekipo di SV. Britannia cu a titula campeon di Copa ABC na Boneiro. SV Britannia ta nos campeon di Division di Honor 2023-2024 y bay representa Aruba na Boneiro den Copa ABC di 15 pa 19 di augustus ultimo. Un total di cuater (4) team a participa, esta Real Rincon campeon di Boneiro, Vespo subcampeon di Boneiro, Young Colombia campeon di Corsou y Britannia campeon di Aruba. Den final Britannia a hunga contra Young Colombia di Corsou y a derota Young Colombia cu e score di 2-1 y asina titula campeon di Copa ABC. E gol a keda anota pa e hobennan deportista Peter Susebeek y Fernando de Sousa. Prome biaha den historia cu Britannia ta gana Copa ABC y den nomber di Gobierno di Aruba, e mandatario di Deporte a otorga e medaya di 4D. Sr. Reinaldo Geerman cu ta forma parti di directiva di SV Britannia a indica cu den final Britannia tabata perdi 1-0, pero cu disciplina y determinacion di e team a logra gana e wega y trece e copa Aruba.
Venezuela ta elimina Aruba den ultimo inning despues cu Aruba tabata gana
WILLIAMSPORT – Aunke cu e seleccion di Aruba a sa di wanta e wega contra Venezuela bon na 1-0, na final toch Venezuela a logra empata e wega y despues bay cu e victoria den e ultimo inning, cu score di 2-1 eliminando Aruba asina di e Serie Mundial Little League 2024. Aruba for di comienso a habri e marcador 1-0 y cu tremendo pitcheo, a logra wanta e wega sin laga Venezuela score. Pero, manera a indica caba, tabata te na final cu Venezuela a probecha y yena base y despues di un tiro malo, a score e careda ganador. Venezuela ta hinca 2 careda, y dal 6 hit, mientras cu ARuba ta hinca 1 careda, dal 3 hit y causa 2 eror. Cu esaki, Aruba ta bay cas y Venezuela ta sigui na bida.
Follow NoticiaCla
