Na Hulanda lider di partido BBB Van der Plas ta menasa di renuncia

DEN HAAG – Lider di BBB Caroline van der Plas ta menasa di renuncia si acaso e manada di bestia wordo forsa pa reduci riba termino largo. Esaki ta loke e lider di BBB a bisa den un conferencia di prensa cu ela convoca na fraccion di BBB despues cu medidanan di stof doloroso a lek via De Telegraaf.

Van der Plas kier enfatisa cu, na su opinion, awor no por tin cuestion di ‘forced shrinkage’, aunke e ta reconoce cu e prome medidanan cu awor a lek sigur lo dal e sector duro. “Mi ta desapunta pa esey, sigur. Pero si e ta sigura cu no tin encohimento forsá, esaki ta di dos mihó,” Van der Plas ta bisa. “E ta un escoho entre dos maldad.”

Van der Plas a expresa su malcontento na minister di BBB Femke Wiersma diahuebs tocante e medidanan doloroso cu awor a bira conoci. “Mi a bisa cu mi ta desepciona tokante esaki. Bo mester por djis bisa esei. Lo ta un cos hopi malo si nos sigui e minister manera lamchi.”