Barco ta dal Willemsbrug na Rotterdam, containernan ta bay awa

ROTTERDAM - Un barco di container a acidenta den Willemsbrug na Rotterdam awe mainta. Door di esey, varios container a cay na awa. No ta cla ainda kico e daño ta na e brug of e barco.

E choke a sosode alrededor di 8:45 di mainta. Testigonan ocular a bisa Rijnmond cu por a scucha un explosion enorme. “Mi ta djis mira e barco ta nabega. E no a ni para. E no por a nota. Tabata un zonido enorme, realmente no normal. Un zonido largo di molina,” un di nan a bisa.

Cinco container a cay for di e barco na awa. E containernan ey a drief den direccion di Brug di Van Brienenoord. “E prome barco cu a nabega su tras realmente mester a haci un parada di emergencia”, e testigo ocular ta sigui bisa. “E containernan  a bini directamente den su direccion.” No ta cla kico tin den e containernan. E barco awor a mara, un vocero di e Autoridad di Haf di Rotterdam a bisa e emisora. “Cuater container a wordo sigura. Un container a sink pero a wordo localisa,” e vosero a bisa. “E skipper ta wordu scucha. E por a mal husga e haltura di e brug. Tin daño na e brug, pero kon malu e ta no ta conoci ainda.”