Arends: RAIZ ta insisti cu no kier Vrolijk mas pa presidente di Parlamento

ORANJESTAD – Ta momento pa MEP postula un otro candidato pa presidencia di Parlamento. Esaki tabata e mensahe cu lider di partido RAIZ Ursell Arends a bisa diadomingo anochi despues di nan reunion na nan sede na Koyari. A informa partner di coalicion pa kere pa draagt voor otro candiadto y RAIZ lo sostene esaki. Esaki a keda informa pa Arends diadomingo anochi. A mustra cu no ta intencion pa baha gobierno, y no kier un eleccion nobo sino ta solamente no kier e liderazgo mas di Vrolijk pa su estilo di dirigi e reunion. “Pa falta di leadership style y imparcialidad kier cambio”Arends a bisa. Mester bisa tambe cu e reunion pa vota pa un presidente y vice presidente di Parlamento ta poni pa 9am dialuna mainta. 

MEP NO A INFORMA RAIZ AINDA

Arends a bisa tambe cu te na momento di e conferencia di prensa, lider di MEP Evelyn Wever Croes no a tuma contacto cu ne ainda pa bise ken e candidato di MEP lo tabata. A haci intento pa e comunica cu e lider di MEP pero no tabata exitoso. Riba pregunta di prensa cu kico ta pasa si MEP postula Vrolijk mes como candidato, Arends a contesta “E parlamentarionan di RAIZ no lo sostene su persona y lo sostene Raymond Kamperveen pa presidencia” Arends a bisa. NOTA: Potret cortesia 24ora.com