Hunter Biden, yiu di presidente Biden, ta declara su mes culpabel den caso di belasting

WASHINGTON - Hunter Biden a declara su mes culpabel diahuebs den e caso di impuesto contra dje. Esey ta un sorpresa, pasobra e yiu homber di presidente di Merca Joe Biden anteriormente a nenga e acusacionnan formalmente.

E confesion no ta parti di un acuerdo cu husticia. Hopi biaha esaki ta sosode a cambio di un castigo mas abao, pero den e caso aki fiscalnan no tabata na altura di e confesion di Biden. De echo, riba e prome dia di e huisio, solamente seleccion di hurado tabata riba agenda, ora cu e abogadonan di Biden a bisa cu e tabata admiti culpa.

Hunter Biden a wordo demanda pa no a paga mas o menos 1.4 miyon dollar na belasting. E lo ta trata di belasting entre 2016 y 2019, durante cua tempo el a bisa cu e tabata lucha cu su adiccion na droga. Durante e periodo ey, segun e acusacion, el a gasta cantidadnan enorme di placa na “droga, escolta y amiga, hotelnan luhoso y propiedadnan di huur, autonan luhoso, paña y otro artículonan di naturalesa personal.”